Suosittuja jakeita Raamatun kirjasta %C9xodo 6

Jaa

Rumali jat chub'ixkil chke aj Israel, chi Yin in Ajwal kewesaj chuxe' i nim laj eqan chi yatal pkiwi kumal aj Egipto, xaq kewesaj b'i pki'ab' ru' nimaq taq anik xaq ru' in-atb'al tzij chi lik suk'ulik.

Lik kin-an ni intinimit chiwe yix xaq Yin na in i-Dios; keje ile kiwetamaj na chi Yin in Iwajwal Dios chi xixwesaj li pki'ab' aj Egipto.

Lik kixink'am b'i che ulew Canaán chi insujum che mam Abraham, che mam Isaac xaq che mam Jacob; Yin chi in Ajwal kinjach ni ulew le chiwe —xcha i Dios che ma Moisés. I ma Moisés lik k'iyal mul xub'ij iri chke aj Israel; xwiri rumal i k'ax xaq i b'is chi je o wi xkikoj ti retalil wach xub'ij ma Moisés chke.

I Ajwal xub'ij che ma Moisés: —Wo'or kawil na wach kin-an che i ma faraón. Lik saq laj tzij xa rumal incho'ab' kuya b'i chiwe chi kix-ek, lik xa rumal incho'ab' kixresaj b'i putinimit.