Suosittuja jakeita Raamatun kirjasta San Mateo 24

Jaa

Tu nej t'ari u metik k'as ba' a winik, ne pim ku bin u p'ʌte u yakuntik u bojo'. Chen a mok muj p'ʌtik u t'ʌn a K'uj hasta tuku laj ts'oko tu woro a ba', lʌji' ku bij bin ix kʌ'.

Y yʌnti' u yʌ tsikbʌta' u jach tsoyi u t'ʌn K'uj ti' tu woro a lu'm, ti u k'oo'tik tu woro a kʌjta a tiʌ yok'o a lu'm, y pachi binukaj xu' t'ʌn.

Ka bin a wue'x ne ya'p ts'iki ch'ik u jer kʌjta y bexi' ka bin a wue'x ku jumintiko' tʌn u bin u chu'so' u ts'iko'; chen ma' sʌjtike'x, yʌnti' u laj mʌn tu woro a je' ba', chen mo' lʌji' ti' u xu' t'ʌn.

Binukaj lik'i tu ts'iki kʌjta yete u jer kʌjta, binukaj tar wi'ji, ne ya'p ya'ji y ne pim kʌjta ku bij pek a lu'm. Chen tu woro a je' ba' ku bin mʌn, lʌji' u yʌj chuni ku bin yue winiko' ne yaj.

Tu woro a kʌ' y tu woro a lu'm ku bin ts'oko', chen in t'ʌn mʌnʌ' u ts'oko u mʌn.

Binukaj tar ne pim ku bin u k'ʌne in k'aba', ku bin u yao': “A ten lʌjien a Cristo”, y jach ne pim winik ku bin u tuse.

»Tuka wui'ke'x in t'ʌn, binukaj chuke'x mʌkae'x y ku bin bise'x yok'o aj wes ti' u kʌxmete'x y ti' a kinsae'x. Ne pim a mok ku yui'k in t'ʌn biu p'ʌte u metik in t'ʌn; tax jujuntu biu k'ube u yet bojo' ti' aj wes y biu p'akte u bojo'. Ne pim ku bin lik'i a mok ku tus yei'k lʌji' profeta y ne pim winik ku bin u tuse.

Jesús tu nuka: —Kʌnʌnta bʌje'x ti ma' tuxae'x.

Bexi' teche'x ki' ch'ukte'x u sut u Ti'a Xi'ra: ka wirik, a ti' ku bij sut tuk'in mix mok u yue.

»Ki ch'ukte'x tu woro k'in, tu ma' a we'x u k'ini tuk'in ku bin sut a Ts'uri.

»Chen a lay u k'ini mix mok u yej tuk'in ku bij mʌn, mix a ángeles a tiʌ kʌ', mix u Ti'a K'uj to jari in Tet K'uj u yue.

Binukaj lik'i a winik a mok ku tus ei'k lʌji' a Cristo, y juntu ku yei'k lʌjio' profetas, bi u ye'so' ne ya'p ba' ix kʌ' y bi u meto' ne ya'p tsoy ba', to jai' ti' u tusik a winik, bexi' bi u tunte u tusik a mok toj ya tejta ten K'uj.

»A bex u k'ini kaj mʌni ti' a Noé uchik, bex ku bij sut u Ti'a Xi'ra. Tuk'in a lay u k'inio' mo' yʌ tak a ne k'ʌ'm a ja' a ku bin burik a lu'm, a winiko' tʌn u jʌno', tʌn u yuk'o', tʌn u ch'eik u bʌjo', y tʌn u ch'ei'ko' u lak' u tio', hasta kaj k'uchi u k'ini a Noé oki ix a nukuch chem, Chen a winiko' mu' u yeo' baij ku bin tar, lʌji' kaj tari ne k'ʌ'm a ja' y laj buri a lu'm, tu woro laj kimo'. Bex ku bij mʌn tuk'in ka' sutuk u Ti'a Xi'ra.