Suosittuja jakeita Raamatun kirjasta လူႉၵႃႇ 2

Jaa

ဝၼ်း​မိူဝ်ႈ​ၼႆႉ ၸဝ်ႈ​ဢၼ်​ၵႄႇ​ၶျွတ်ႈ​ဢၼ်​ဝႃႈ​ၸဝ်ႈ​ၶရိၸ်ႈ​ၼၼ်ႉ လႆႈ​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​မႃး​ပုၼ်ႈ​သူ ၵႃႈ​ၼႂ်း​ဝဵင်း​ တႃႇဝိတ်ႈ ​ၼၼ်ႉ​ယဝ်ႉ။

တမၢၼ်ႇ​ၵၢင်​ႁၢဝ်​ၵေႃႈ​လၢတ်ႈ​လႄႈ​ဝႃႈ၊ ယႃႇ​ပေ​ၵူဝ်​ပေ​ႁႄ၊ ၵဝ်​မွၵ်ႇ​လၢတ်ႈ​သတၢင်း​သဵင်​ၶၢဝ်ႇ ဢၼ်​ၵူၼ်း​တင်း​သဵင်ႈ​တင်း​လူင်​တၵ်း​သိူဝ်း​ၸူမ်း​မူၼ်ႈ​ပျေႃႇ​ၼႃႇ​လူင်​လၢင်​ၼၼ်ႉ​တီႈ​သူ​ဢေႃႈ။

ၵႃႈ​ၼိူဝ်​ပၢႆ​ၸိၵ်း​ၸွမ်​ၵၢင်​ႁၢဝ်​ပုၼ်ႉ ႁႂ်ႈ​မုၼ်​ၽုင်း​ၽြႃး​ပဵၼ်​ၸဝ်ႈ​ယႂ်ႇ​ၼႃႇ​သေ​ၵမ်း​လူၺ်ႈ။ ၵႃႈ​ၼိူဝ်​လိၼ်​မိူင်း​ၼႆႉ​ၵေႃႈ ႁႂ်ႈ​တၢင်း​ၼိမ်​မီး​ၵႃႈ​တီႈ​ၼႂ်း​ၵူၼ်း​ၸိူဝ်း​ဢၼ်​မၼ်း​ၸဝ်ႈ​ထုၵ်ႇ​ၸႂ်​ၵျိူၵ်ႈ​ၸႂ်​တင်း​လၢႆ​ၼၼ်ႉ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ၵေႃႈ​ယႂ်ႇ​မႃး​လႄႈ ပိင်ႇ​ၺႃႇ​ၼမ်​မႃး​ၵိုၼ်း​မႃး​ယူႇ​သေ​လႄႈ လႆႈ​ၼႃႈ​လႆႈ​တႃ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​ဢေႃႈ။

ဢၼ်​တၵ်း​ပဵၼ်​ၼီႉမိၵ်ႈ​လၢၵ်ႈၶၼႃႇ​တီႈ​သူ​ၸမ်ႉ၊ သူ​တၵ်း​ထူပ်း​ႁၼ်​လုၵ်ႈ​ဢွၼ်ႇ​ၼၼ်ႉ​ပူၵ်ႉ​ႁေႃႇ​တင်း​ၶူဝ်း​လဵင်း​သေ​လႄႈ ၶျႃး​ဝႆႉ​မီး​ယူႇ​ၼႂ်း​ၵွၵ်း​ဝူဝ်း​ၵိၼ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊

ၼႂ်း​မိူင်း​ၼၼ်ႉ မီး​ၵူၼ်း​ၸိူဝ်း​ဢၼ်​လဵင်ႉ​ထိင်း​သူဝ်း​ဢၼ်​မီး​ယူႇ​ၵႃႈ​ၼႂ်း​ထိူၼ်ႇ​လႄႈ ပႂ်ႉ​ၽုင်​သူဝ်း​တူဝ်​ၸဝ်ႈ​ၵဝ်ႇ​ယူႇ​ၶိင်ႇ​ၵၢင်​ၶိုၼ်း​ဢေႃႈ။- ၵမ်း​ၼၼ်ႉ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ပေႃႇ​မႃး​တီႈ​ၶဝ်​ၼၼ်ႉ​သေ​လႄႈ မုၼ်​ၽုင်း​ထႃႇဝရႃႉ​ၽြႃး​ၵေႃႈ​ႁိူဝ်ႈ​လႅင်း ၵႃႈ​တီႈ​ႁိမ်း​ႁွမ်း​ၶဝ်​ၼၼ်ႉ​လႄႈ ၶဝ်​ၵူဝ်​ႁႄ​ၼႃႇ​လူင်​လၢင်​ဢေႃႈ။