Suosittuja jakeita Raamatun kirjasta လူႉၵႃႇ 12

Jaa

ပိူဝ်ႈ​ၼႆ​လႄႈ သူ​မႄး​ႁႅၼ်း​ဝႆႉ​သေ​လႄႈ​ယူႇ​တႃႉ။ လွင်ႈ​မၼ်း​ၸမ်ႉ ၶိင်ႇ​ၼႃႇရီႇ​ဢၼ်​သူ​ဢမ်ႇ​ထၢင်ႇ​ဢမ်ႇ​ထိူမ်​ၼၼ်ႉ၊ လုၵ်ႈ​ၵူၼ်း​တၵ်း​မႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

သူ​ၸမ်ႉ၊ ႁႃ​မိူင်း​ၽြႃး​ပဵၼ်​ၸဝ်ႈ​တႃႉ။ လိုၼ်း​ၼၼ်ႉ မၼ်း​ၸဝ်ႈ​တၵ်း​ပၼ်​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ​ထႅင်ႈ​ဢေႃႈ။

လိူဝ်​သေ​ၼၼ်ႉ၊ မၼ်း​ၸဝ်ႈ​လၢတ်ႈ​တီႈ​ၶဝ်​လႄႈ​ဝႃႈ၊ ႁဵတ်း​သတီႉ​လႄႈ ဝႄႈ​ပႅတ်ႈ​လွင်ႈ​တၢင်း​ဢၼ်​ၸႂ်​လေႃး​ၽႃႉ​ပူၼ်ႉ​လိူဝ်​ၼၼ်ႉ​တႃႉ။ လွင်ႈ​မၼ်း​ၸမ်ႉ ပိၵ်ႉ​သမ်ႉ​မီး​ၸေး​ၸိမ်ႇ​သေ​ၵေႃႈ၊ ဢသၢၵ်ႈ​ဢမ်ႇ​တႄႇ​ယူႇ​ၵႃႈ​ၼႂ်း​ၸေး​ၸိမ်ႇ​ၼၼ်ႉ၊ ဝႃႈ​ၼင်ႇ​ၼႆ​ဢေႃႈ။

လွင်ႈ​မၼ်း​ၸမ်ႉ ႁူဝ်​ၸႂ်​သူ​ၸၢင်ႈ​မီး​ၵႃႈ​တီႈ​ဢၼ်​ၽၼ်ႇတႃႇ​ဢုၵ်ႉ​ၸႃႇ​သူ​မီး​ၼၼ်ႉ​ဢေႃႈ။

ၵွပ်ႈ​ပိူဝ်ႈ​တၢင်း​ဢၼ်​မႆႈ​ၸႂ်​ၶီ​ၸႂ်​လႄႈ၊ ၼႂ်း​သူ​ၼႆႉ ၽူႈ​လႂ်​တၵ်း​ႁႂ်ႈ​ၸူဝ်ႈ​တႃႇ​ဢသၢၵ်ႈ​တူဝ်​ၸဝ်ႈ​ၵဝ်ႇ​ယၢဝ်း​မႃး​ထႅင်ႈ​သေ​သွၵ်ႇ​ၼိုင်ႈ​လႆႈ။

မၼ်း​ၸဝ်ႈ​သမ်ႉ​ၶိုၼ်း​လၢတ်ႈ​တီႈ​တပႄး​ၸဝ်ႈ​တင်း​လၢႆ​ထႅင်ႈ​လႄႈ​ဝႃႈ၊ ပိူဝ်ႈ​ၼႆ​လႄႈ ၵဝ်​ဝႃႈ​တီႈ​သူ​ၸမ်ႉ၊ တၵ်း​လႆႈ​ၵိၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ပုၼ်ႈ​ဢသၢၵ်ႈ​လႄႈ​သင်၊ တၵ်း​လႆႈ​ၼုင်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ပုၼ်ႈ​တူဝ်​ၵႃႇ​ယႃႉ​လႄႈ​သင်၊ ယႃႇ​ပေ​မႆႈ​ၸႂ်၊ ၵဝ်​ဝႃႈ​ၼင်ႇ​ၼႆ​ဢေႃႈ။

ၶူၼ်​ႁူဝ်​သူ​ၵေႃႈ​ၼပ်ႉ​ဢၢၼ်ႇ​ဝႆႉ​တင်း​သဵင်ႈ​တင်း​လူင်​ယဝ်ႉ​ဢေႃႈ။ ပိူဝ်ႈ​ၼႆ​လႄႈ ယႃႇ​ပေ​ၵူဝ်။ သူ​ယဵင်ႈ​ၶႅၼ်း​မျၢတ်ႈ​ၼႃႇ​သေ​ၼူၵ်ႉ​ဢႅၼ်ႇ​ၽႃႉ​တင်း​လၢႆ​ၼၼ်ႉ​ၼမ်​ၼႃႇ​ဢေႃႈ။

ၽုင်​သူဝ်း​ဢွၼ်ႇ​ၼႆႉ​ဢိူၺ်း၊ သူ​ယႃႇ​ပေ​ၵူဝ်။ ပေႃႈ​သူ​ၼၼ်ႉ​မီး​ဢလူဝ်ႇ​ၶႂ်ႈ​ပၼ်​မိူင်း​တီႈ​သူ​ဢေႃႈ။

တူၺ်း​ၵႃ​လမ်​တင်း​လၢႆ​လႄႈ ၶႆႈ​ၸႂ်​ဝူၼ်ႉ​ၸႂ်​တႃႉ။ ၼူၵ်ႉ​ၸိူဝ်း​ၼၼ်ႉ​ဢမ်ႇ​ဝၢၼ်ႇ​ဢမ်ႇ​သွမ်ႈ​ၸိူဝ်ႉ​ၽၼ်း၊ ဢမ်ႇ​ပၢတ်ႇ​ၶဝ်ႈ​ထိူဝ်​ၶဝ်ႈ၊ ဢမ်ႇ​မီး​ယွင်​မီး​ယေး၊ ဢမ်ႇ​မီး​တိူၵ်ႈ​ၽၼ်ႇတႃႇ​ၶူဝ်း​လဵင်း။ ၼႂ်း​ဝႃႈ​ၼၼ်​သေ​ၵေႃႈ ၽြႃး​ပဵၼ်​ၸဝ်ႈ​လဵင်ႉ​လူ​ၶဝ်​ယူႇ​ဢေႃႈ။ သူ​မျၢတ်ႈ​ၼႃႇ​သေ​ၼူၵ်ႉ​ၸိူဝ်း​ၼၼ်ႉ​ဢမ်ႇ​ၸႂ်ႈ​ႁိုဝ်။

ပိူဝ်ႈ​ၼႆ​လႄႈ တၵ်း​လႆႈ​ၵိၼ်​လႆႈ​ၶူပ်း​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ ယႃႇ​ပေ​ႁႃ။ လွင်ႈ​တၢင်း​ဢၼ်​ၸႂ်​ၼမ်​ၸႂ်​ယုင်ႈ​ၵေႃႈ ယႃႇ​ပေ​ႁႂ်ႈ​မီး။

သူ​ၸိူဝ်း​ဢၼ်​ယုမ်ႇ​မၢတ်ႈ​ၵေႇ​တင်း​လၢႆ​ၼႆႉ​ဢိူၺ်း၊ ပေႃး​ၽြႃး​ပဵၼ်​ၸဝ်ႈ​ဢဝ်​တၢင်း​ၼုင်ႈ​တၢင်း​မႆ ႁူမ်ႇ​လူမ်ႈ​တူၼ်ႈ​ယိူဝ်ႈ​တူၼ်ႈ​ယႃႈ​ၵႃႈ​ၼႂ်း​ထိူၼ်ႇ ဢၼ်​ဝၼ်း​မိူဝ်ႈ​ၼႆႉ​ဢသၢၵ်ႈ​လိပ်း​ယူႇ​လႄႈ ဝၼ်း​မိူဝ်ႈ​ၽုၵ်ႈ​ဢဝ်​ၶျႃး​သႂ်ႇ​ၵႃႈ​ၼႂ်း​မုၵ်ႉ​ၽႆး​ၼၼ်ႉ​ၸိူဝ်ႉ​ၼင်ႇ​ၼၼ်​ၼၼ်ႉ​ၸိုင်၊ မၼ်း​ၸဝ်ႈ​ယဵင်ႈ​ၶႅၼ်း​တၵ်း​ဢဝ်​တၢင်း​ၼုင်ႈ​တၢင်း​မႆ​ႁူမ်ႇ​လူမ်ႈ​သူ​ၼႃႇ​သေ​ၼၼ်ႉ​ဢမ်ႇ​ၸႂ်ႈ​ႁိုဝ်။

လွင်ႈ​တၢင်း​ဢၼ်​ႁူမ်ႇ​ဝႆႉ​ယဝ်ႉ​တင်း​သဵင်ႈ​တင်း​လူင် ဢၼ်​တၵ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ပိုတ်ႇ​ဢွၵ်ႇ​ၼႄ​ပျႃး​ၼၼ်ႉ​ဢမ်ႇ​မီး​သေ​ၸိူဝ်ႉ​သေ​ပိူင်။ လွင်ႈ​တၢင်း​ဢၼ်​သိူင်ႇ​ဝႆႉ​လပ်ႉ​ဝႆႉ​ယဝ်ႉ​တင်း​သဵင်ႈ​တင်း​လူင် ဢၼ်​တၵ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​လႆႈ​ႁူႉ​လႆႈ​ႁၼ်​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်။