Suosittuja jakeita Raamatun kirjasta ወንጌል ዘማቴዎስ 19

Jaa

ወነጸሮሙ እግዚእ ኢየሱስ ወይቤሎሙ በኀበ ሰብእ ኢይትከሀል ዝ ወበኀበ እግዚአብሔርሰ ኵሉ ይትከሀል።

እንከሰኬ ኢኮኑ ክልኤተ አላ አሐዱ ሥጋ እሙንቱ ዘእግዚአብሔር አስተፃመረ ሰብእ ኢይፍልጥ።

ወአውሥአ ወይቤሎሙ ኢያንበብክሙኑ ዘውስተ ኦሪት ከመ ዘፈጠሮሙ እግዚአብሔር እምትካት ተባዕተ ወአንስተ ገብሮሙ። ወይቤ «በእንተዝ የኀድግ ብእሲ አባሁ ወእሞ ወይተልዋ ለብእሲቱ ወይከውኑ ክልኤሆሙ አሐደ ሥጋ።»

ወይቤሎሙ እግዚእ ኢየሱስ ኢትክልእዎሙ ለሕፃናት ይምጽኡ ኀቤየ እስመ ለዘከመ እሉ ይእቲ መንግሥተ ሰማያት።

ወብዙኃን ቀደምት ይከውኑ ደኀርተ ወደኀርትኒ ይከውኑ ቀደምተ።

ወኵሉ ዘኀደገ አብያተ ወአኀወ ወአኃተ ወአበ ወእመ ወብእሲተ ወውሉደ ወገራውሀ በእንተ ስምየ ምእተ ምክዕቢተ ይነሥእ ወሕይወተ ዘለዓለም ይወርስ።

ወነጸሮ እግዚእ ኢየሱስ ወይቤሎ አሐቲ ተርፈተከ እመሰ ትፈቅድ ፍጹመ ትኩን ሑር ወሢጥ ኵሎ ዘብከ ወሀብ ለነዳያን ወታጠሪ ለከ መዝገበ ዘበሰማያት ወነዓ ትልወኒ።

ወይቤሎ ለምንት ትብለኒ ኄር አልቦ ኄር ዘእንበለ አሐዱ እግዚአብሔር ወእመሰ ትፈቅድ ትባእ ውስተ ሕይወት ዕቀብ ትእዛዛተ።

ወካዕበ እብለክሙ ይቀልል ይኅልፍ ገመል እንተ ስቍረተ መርፍእ እምባዕል ይባእ ውስተ መንግሥተ እግዚአብሔር።

እብለክሙ አነሂ ኵሉ ዘይድኅር ብእሲቶ ዘእንበለ ትዘሙ በላዕሌሁ ለሊሁ ረሰያ ዘማ ወአውሰበ ካልእተ ዘመወ ወእንተሂ ደኀርዋ አውሰበ ዘመወ።

ወይቤሎሙ እግዚእ ኢየሱስ ለአርዳኢሁ አማን እብለክሙ ከመ ባዕል እምዕፁብ ይበውእ ውስተ መንግሥተ ሰማያት።