Suosittuja jakeita Raamatun kirjasta ግብረ ሐዋርያት 5

Jaa

ወተሰጥዎሙ ጴጥሮስ ምስለ ሐዋርያት ወይቤሎሙ ይኄይሰነ ናደሉ ለእግዚአብሔር እምነ አድልዎ ለሰብእ።

ወኵሎ አሚረ ይፀመዱ ትምህርተ በቤተ መቅደስ ወውስተ ቤትኒ ኢኀደጉ ነጊረ በእንተ እግዚእነ ኢየሱስ ክርስቶስ።

ወይቤሎ ጴጥሮስ ኦ ሐናንያ እፎ መልአ ሰይጣን ውስተ ልብከ ከመ ተሐስዎ ለመንፈስ ቅዱስ ወትቅሥጥ እምሤጠ ዐጸድከ። አኮኑ ለከ ነበረ እምቅድመ ትሢጦ ወሶበሂ ሤጥኮ በፈቃድከ ለምንትኬ ኀለይከ በልብከ ትግበር ከመዝ ለእግዚአብሔርኬ ሐሰውኮ ወአኮ ለሰብእ። ወሰሚዖ ዘንተ ነገረ ሐናንያ ተነጽሐ ወሞተ ወኮነ ዐቢይ ግርማ ወፈርሁ ኵሎሙ እለ ሰምዑ።

ወይእዜኒ እብለክሙ ኅድግዎሙ ለእሉ ሰብእ ወኢትስሐጥዎሙ ለእመሁ ዘእምኀበ ሰብእ ዝ ምክሮሙ ወዝ ግብሮሙ የኀልፍ ወይሰዐር። ወለእመ እምኀበ እግዚአብሔር ኮነ ኢትክሉ አኅድጎቶሙ ወከመ ዘምስለ እግዚአብሔር ይትበአስ ኢትኩኑ።