Suosittuja jakeita Raamatun kirjasta ዋ̈ኒ̇ሳ 6

Jaa

ዬሱ̈ሳር ኢንታ̇ኮ “ሼምፓ ኢሚ̇ዝ ሶ̈ላ̇̈ዲ ታ̈ና፥ ታ̈ክ ዬይዝ ኣሲ ኣባካር ጋፍሲንቲ̇ባ̈ሴ፥ ታ̈ና ኣማ̇ኒዝ ኣሲ ዉርሲ ባ̈ርሲንቲ̇ባ̈ሴ።

ሼምፓ ኢሚ̇ዛ̈ዲ ጾ̈ሳ̇̇ ኣያ̇ና̈ዳ፤ ኣሳ ዎልቆ ኣባካር ማ̈ዲ̇ባ̈ሴ፤ ቴ ዪንታ̇ብ ሶ̈ሊኖ ቃ̈ሊንዳ̇ ኣያ̇ና፥ ማ ሼምፓ።

ታ ኣሳ ናኣ̈ዲ ዪንታ̇ብ ኢማ̇ዝ ሜናብ ዶኣምፔ̈ን ዎታዝ ፊ̈ሺምቦ̇ ኦ̈ብትዶኬ፥ ሳማር ያዝ ፊ̈ሺምቦ̇ ኦ̈ፒ̇ቴ። ጾ̈ሳ̇̇ ባ̈ባ̈ዲ ቴ ዪኖ̇ ኦ̈ምፔ̈ን ሲልጣ̈ና ታ̈ብ ኢሚ̇ኔ።

ቴ ባ̈ባ ኮያዚንዳ̇፥ ታ̈ና ናኣ ቤቃ̇ሪ ኣማ̇ኒዝ ኣሲ ዎይ ሜናብ ሼምፓባር ዶኢ ዲጛምፔ̈ኒዬ፤ ታ̈ናር ዉርሲ ቃምባራ ኢያ ዓይቃ ጋርታ̇ፖ̇ ዲንሬ” ጌይዴ።

ኢያር ኢንታኮ፥“ጾ̈ሳ̇̇ ዪንታ̇ ጋልዳፖ̇ ኮያዚንዳ̇፥ ኢ ኪ̈ታ̇ር ሚሺኖ ኣማ̇ናዚንዶ̇”ጋ̈ር ማሂዴ።

ቴ ባ̈ባ ታ̈ብ ኢሚ̇ኖ ኣሲ ዎይ ታ̈ክ ዬይሬ፤ ታ̈ክ ዬይኖን ቴ ኢንታ̇ ዛ̈ና ኬሳ̇ ሚሻባሴ።

ዪና̇ ኢዝባራ ሲሞ̈ን ጴ̈ጥሮ̈ሲ ኢ̈ኮ “ጎዳ̈ዶ! ኑ ኦ̈ክ ሉኪ̇̈ራ? ኔ̈ክ ሜናብ ሼምፓባር ዶኢ ኢሚ̇ዝ ቃ̈ላ ዎ።

ኣፋፖ̇ ሶ̈ቢኖ ሼምፓ ኢሚ̇ዝ ሶ̈ላ̇ ታ̈ና። ሶ̈ሊ̇ን ዪኖ̇ ሙይዝ ኣሲ ዎይ ሜናብ ዶኢ̈ሬ። ዓና̇ ኣላሚን ጋልዶ ኣሳንቦ ሼምፓ ማ̈ቃ̇ምፔ̈ኒ ቴ ኢማ̇ዝ ሶ̈ሊ̇ንዳ̇ ቴ ኣይሺ̇ንዶ̇” ጌይዴ።

ታ̈ና ኪ̈ታ̇ር ሚሺኖ ቴ ባ̈ባ ኢ ታ̈ክ ኤሄካ̇ዮ ኣሲ ኦ̈ናካር ታ̈ክ ዬ̈ንዳ̇ብ ዳንዳኢባ̈ሴ፤ ታ̈ክ ዬይኖ̈ዳ ዉርሲ ጋላስ ቴ ኢያ ዓይቃ ጋርታ̇ፖ̇ ዲንሬ።

ጾ̈ሳ̇̇ ሶ̈ላ̇̈ዲ ኣፋፖ̇ ሶ̈ቢዛ̈ዳ፤ ኣላሚን ጋርታ̇ ዎ ኣሳ̈ቦ ሼምፓ ኢሚ̇ዛ̈ዳ” ጌይዴ።

ታ̈ኒ ሼምፓ ሶ̈ላ̇።

ኢናፖ̇ ዓኒ ዬሱ̈ሲ ሶ̈ሊ̇ን ኤካ̇ር ጾ̈ሳ̇̇ ጋላታሪ ዶኢኖ ኣሳን ቃጊ̇ዴ። ማ ሞላንሬ ዪና̇ ኢዝፌ̈ኒ ኢንታ̇ቦ ፋጊዴ። ዎይን ፌ̈ብ ጊዳዚን ዲጚዴ። ዎይን ሙዪ ሚሽኪኖፖ̇ ዓኒ ዬሱ̈ሲ ፌ ታማ̈ራንኮ “ፔቲ̇ ባዛር ሳ̈ዳ ኬዲ̇ ኣታካ̇ይፌ̈ኒ ሺኖ ዶካ̇ን ዎይ ሺ̈ሺ̇ብቴ̇” ጌይዴ።

ኢ ታማራሬ ኢሺ̇ን ዎይ ሌሂ ኪሎሜ̈ትራ ማ̈ቃ̇ምፔ̈ን ጎጚን ዋ̇ ሉኪ̇ኖፖ̇ ዓኒ ዬሱ̈ሲ ባሃ̈ሪን ጋልዳ̇ ቶህባር ዬ̇ ሙታ̇ ጎጚንኮ ኡኪ̇ዴ ኢንታ̇ር ኢያ ቤቃ̇ሪ ኢ̈ጪ̇ዴ። ዎቲናካር ኢ ኢንታ̇ኮ “ታ̈ኒሽዋ! ኢጫፒ̇ቴ!” ጌይዴ።