Suosittuja jakeita Raamatun kirjasta متى 24

Jaa

أَذ تنْقس ڒمْحِبّث جَار يِوْذَان مِينْزِي اَذ يكْثَر شَّرّْ. وَلَكِن ونِّي غَا يصْبَرن غَار ونݣَّارُو اَتَاف اَذ ينْجم.

لْإِنْجِيل ن ڒْمُلْك ن أَربِّـي اَخَاس حدّْثن يِوْذَان ذِي مَارَّا ثِمُوْرَا ن دُّنشْت حمَا اَغَارْسن ثِيڒِي شْهَاذث خَافِي. ڒخْدّنِّي إِي د غَا يَاس ڒفْنَا.

خْمِي غَا ثسْڒَام خ لْحُرُوْب ذ ڒخْبَار ن لْحُرُوْب وَار تݣّْوْذم شَا، لَابُد زِي مَانَايَا. وَلَكِن دُّنشْت-أَ عَاذ وَار ثْفنِّي شَا.

دُّوْلَا اَذ تهْجم خ دُّوْلَا، لْممْلَكَا اَذ تهْجم خ لْممْلَكَا. أَذ يِيڒِي جُّوْع اَذ يوْقع زِّنْزَال ذݣ وَاطَّاس ن يمُوْشَان. مَارَّا مَانَايَا اَذ يِيڒِي اَمشْنَاو ڒحْرِيق اَمزْوَارُو ن ثمْغَارْث يتَارْون.

أَذ يفْنَا وجنَّا ذ ثْمُوْرْث، وَلَكِن اَوَاڒن ينُو وَار فنِّين شَا عمَّارْص.

أَطَّاس إِي د غَا يَاسن س يِيسم ينُو زَعْمَا اَذ ينِين قَا نش ذ لْمَسِيح! أَذ خذْعن اَطَّاس ن يِوْذَان.

سّنِّي اَكنِّيو سلّْمن يِوْذَان حمَا اَكنِّيو عدّْبن، أَكنِّيو نْغن. مَارَّا دُّوَل اَكنِّيو عِيفّن عْلَاحْسَاب يسم ينُو. أَطَّاس إِي غَا يكْفَرن زݣ يِنِّي إِي يُوْمْنن. أَذ زّنْزن اَيَاوْيَا، أَذ عِيفّن اَيَاوْيَا. أَذ د مظْهَارن اَطَّاس ن يِوْذَان اَذ اَرّن يخف نْسن ذ لْأَنْبِيَا، أَذ خذْعن اَطَّاس ن يِوْذَان.

ئِجَاوب-يثن عِيْسَى ينَّا-ٱسن: "حْضَام يخف نْوم حمَا وَار كنِّيو يخدّع حَدّ.

خ مَانَايَا، سْوجْذم يخف نْوم مِينْزِي مِّيس ن بْنَاذم اَذ د يَاس ذݣ يِجّن ن ثْسَعَّات وَار ث تْرِيجِيم شَا.

خ مَانَايَا فَاقم بَعْدَا، قَا وَار ثسِّينم شَا مڒْمِي د غَا يذْوڒ سِيذِيثْوم.

شُوْف، نْهَار نِّي نِغ ثْسَعَّات نِّي وَار ت يسِّين ؤُڒَا ذ يجّن، لَّا لْمَلَائِكَاث ذݣ وجنَّا ؤُڒَا ذ مِّيس. يسّن-يت غِير بَابَا وَاحْذس.

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن يڒِي خذْعن ؤُڒَا ذ يِنِّي يخْضَر أَربِّـي.

أَمشْنَاو مَامش يوْقع ذِي ڒِيَّام نِّي ن نُوْح، أَمنِّي إِي غَا يوْقع خْمِي د غَا يذْوڒ مِّيس ن بْنَاذم. ئِوْذَان ذِي ڒْوقْث نِّي قْبڒ إِ طُّوْفَان، تُوْغَا تتّن، سسّن، مدْجْشن تْوَاسْمدْجَاشن، حتَّا اَڒ نْهَار وَامِي يُوْذف نُوْح ذݣ وغَرَّابُو. وَار فْطِينن شَا اَڒ وَامِي د يُوْسَا طُّوْفَان يسْغَرق-يثن مَارَّا. أَمُّو إِي غَا يوْقع خْمِي د غَا يذْوڒ مِّيس ن بْنَاذم.