Suosittuja jakeita Raamatun kirjasta Matay 6

Jaa

Pllai mesa ka qnlhangan Tama ma knsderux na han. Kiya de umal namu na mege yamu ka kana so nii.

Maanu so kiya de, iya pslhebun quri kusun. Kusun we ida niqan nanak pslhbenun kusun. Mqriqu daan 1 ali we baka nanak 1 ali kiya di.”

“Maanu so kiya de rngage maku, iya pslhebun knuudus namu meekan ta maanu miimah ta maanu duri we mplukus maanu ka heyi namu. Uxe mgkala uqun ka knuudus peni? Uxe mgkala lukus ka heyi peni?

Dmurun su ciida, osa tqiyan su, lebi rhengun druni tama su gnruus ini tai. Mqita ckceka gnruus ka Tama su ma bbiqun su na snadu.

“Maanu so kiya de keso nii ka dmurun namu: ‘Tama nami gaga baro: Tai so spruun kana seediq ka mrtaso ngayan su. Tai so meyah ka tlangan su. Tai so mttuku bobo dxeral ka lnglungan su, pntnaani so gaga baro.

Braho su uqun nami klaali we biqi nami hiya ali saya.

Srwai nami haya ka kusa nami, mntena so smruwa miyan kusa seediq.

Iya nami pstrngaani pnseengan. Pltadi nami pkuudus peeyah bgihur naqah. Ado qnlhangan, beyax ma, knledax we ida nisu, betaq ani knuwan. Ameng!’”

“Nasi namu smruwa qnquwan seediq, mpsruwa yamu ka Tama namu baro uri.

Qtai ka qbheni nii. Ini tukuy, ini qburung gaga skiya baro, ini gutu uqun repun uri. Ani so kiya we ida ga tbugan Tama namu ga baro ka dheya! Uxe namu mgkala qbheni gaga karac baro ka yamu peni?

“Iya wano rrihun namu nanak ka sgutu namu dnoi bobo dxeral. Niqan kuyi mekan, niqan sgrangan. Niqan ka mpgeeguy na mpgleing kmremux meyah gmeeguy. Rrihun namu nanak we gtaani baro ka dnoi namu. Hiya we ini uqi kuyi ma ini sgrangi. Uka ka mpgeeguy na gnbeling kmremux meyah gmeeguy. Ado gaga inu ka dnoi namu we ga hiya ka lhebun namu uri.”

“Qmeepah 2 tnpusu sapah ka seediq we ini tduwa. Ado pqnqihun na ka 1 ma maha na sgaalu ka 1. Uxe uri we spruun na ka 1 ma sbciqun na ka 1. Qmeepah namu Utux Baro uri we, ini namu tduwa qmeepah Mamon uri.”

Ah! Yamu nii seediq biciq ba snhiyan! Nii muudus saya ma qada psqmaan so kusun ka speriq bbuyu we ida plkusan Utux Baro. Nasi so kiya de maha so maanu ka pndpingan na yamu ho?

Gmalu namu mege ciida, iya pklai iril baga su ka qneepah narac baga su. So su maha gmruus qmeepah gmaalu mege seediq. Kiya de Tama su gaga gmruus qmita, biqun su na snadu.”

“Qlahang ka yamu, iya mnnangi pqita knsttuxan namu berah seediq. Nasi so kiya de, uxe namu maangal snadu pneeyah Tama Baro.

“Ptgaya namu ini ekan ciida, iya pntena seediq nnnangi malu so msurung taan ka dqeras daha. Ado mnseung pksurung taan dqeras daha, ppkela seediq gisu ptgaya ini ekan ka dheya. Bale ba rngage maku, wada daha ngalun ka snadu da. Ptgaya su ini ekan ciida, rcuhi abura ka tunux su ma trmai dqeras su uri. Iya pklai seediq ka gisu su ptgaya ini ekan. Wano pqtani Tama su ga meniq gnruus. Qmita ckceka gnruus ka Tama su we mbege snadu sunan.”