Suosittuja jakeita Raamatun kirjasta Fuɗɗoode 28

Jaa

Mii wondi e maa, mi reenete bo to jahataa fu. Mi wittinoyte e leydi nii ɗoo. Mi accataa maa, sey to mi waɗii ka batu maa mi fu.

Alla Joomiraawo e hoore mum e darii dow ɓargal ŋal, go baddi mo wi'i: Min woni Alla Joomiraawo, Alla Iburaahiima maama maa e Alla Isiyaaku. Leydi ni pukkiɗaa dow mum, mi hokkete ni an e ɓiɓɓe lenyol maa fu.

Yaakuubu fini e ɗoyŋol mum, o wi'i: E gooŋa, Joomiraawo na'on e nokkuure nee ɗo. Min mi annaano ka.

Ɗon nun Yaakuubu hunii o wi'i: To Alla e wondi e am, to o reenii am e jaahaaŋal am ŋal ɗo, go o hokkimmi nafa e kolte, to mi wartii wuro baaba am e jam, den mum kanko nun laatotoo Joomiraawo am. Hayre ne tiggumi nee ɗoo laati nun maane no ɗon nun laatotoo suudu Alla. Den mum mi suttante jakka der ko kokkuɗaa am fu.

Ɓiɓɓe lenyol maa ɗuuɗan hande jaaneeri. Ɓe jooɗoto, ɓe beƴƴitoo, ɓe jottoo faa gorgal e lettugal, e soɓɓiire, e hoore fuɗo. Mi barkiɗinan himɓe lenyol duuniyaaru fu gam sabbu maa e gam sabbu ɓiɓɓe lenyol maa.

O noddi nokkuure nen ‹Beteli›. Ko inne ne filliti nun ‹wuro Alla›. Amma genni nin noddeteno nun Lusi.