Suosittuja jakeita Raamatun kirjasta Mateo 28

Jaa

Haho jagi, mukavavezye vahemba va machalo gose, na muvoje venava mu lina lya Vava na lya Mwana na lya Roho Nsondo. Na muvahembeke kumazya gose genaya namulagilaga inwe. Na lolagi, nene ndiho hamohene ninwe nsiku zyose kusika kusila kwa liwelelo.

Na Yesu wegelaga bihi na wayombaga navo, uhaya, Nene napivilwe vukovozi vose mwilunde na mu liwelelo.

Alisi malaika wavawilaga vakima, uhaya, Muleke kogoha, kwisi ndimanicha ati mulimukova Yesu uyo wakomelilwe ku musigiti, Akavileho henaha, kunguno wahembukaga kitisi wayombage; nzugi, mulole henaho walalage.

Haho Yesu wavawilaga, Muleke kogoha! Muje, mukavapozezye vadugu vane vaje ku Galilaya, na kwenuko vakumbona.

Navo vivilingaga hamohene na vavezaja ndaka, vavapaga valugaluga mapesa mingi, vuhaya, Muyombe: Vahemba vakwe vizaga ha vuziku na vamwivaga aho twali tulalile tulo. Na ulu mhola yeniyi yilifika hambele na munachalo, haho tukumwikondelekezya, inwe muleke kwisusuma. Navo vagasolaga mapesa na vavezaja kitisi vahembekagwa; na muhayo gwenugu gwakumukaga mugati na Vayahudi kusika lelo.