Suosittuja jakeita Raamatun kirjasta Mariki 13

Jaa

Yele kéeli a ba syɛ́ɛnbèle myɛ bɛɛn mii mɛ́ɛgi kéele na. Kàjáa wee wi ga fɔ̀rɔgi kpàraco lè n taa n baa nan gi kwɔ́ɔmi na, wee bee a syɔɔ.

Ki n yɛlɛ ye kpóʔoro ye yaʔa, yé kòro nyɛ̀nɛ na, níì cán yele ga lǎli cán í.

Lǎli ni pe ga ni syée ní yele ní kútiijoobèle ma lè, dee yele a sa joo lè, yele a kɔ́ yele fúnyi yaʔa yi curugo di kéeli na í, dee di ga jée yele fúnyi ni lǎli bee ni lè, ye dee bee joo. Níì cán yele ban ye a ra nyuu í, fwɔɔ Pìicǎnni.

Nyɛ̀ʔɛni ní tári a kwɔ́ɔ, kàjáa mii syɛ́ɛnri a tɔ̀nɔ́ kwɔ́ɔ í.

«Syɔɔn faala ga cángi bee ní lǎli bee cán í, àlí nyɛ̀ʔɛni tundunbéle yoo, Jaafɔw yoo, kapye Tofɔw nibin ban í.

Yele ga kɔ́ ni kapɛɛngèle tìnmɛ lúro, ní wɔ́ɔ i kapɛɛngèle kéele lúro, ki ga yɛlɛ yele í da fɛ̀ɛgí í, níì cán kérigèle bee myɛ n yɛlɛ ge kpéʔele. Kàjáa gee bee ban ki a pye gi kwɔ́ɔmi í.

Koro na gi yɛlɛ ye kòro nyɛ̀nɛ na, níì cán yele ga kpáagi fɔ́lɔ làribanna cán í, dɔ̀ʔɔ́ cângwɔʔɔ nyɔ́ɔ na ki a pye yoo, nyǐnlɛʔɛ na yoo, gòpɔ́nyɛninɛ na yoo, nyɛ̀ʔɛ nyɔ́ɔ na yoo, yele ga cán í. Kapye yele ga kòro nyɛ̀nɛ na í, wi a kɔ́ foo pan ba yele nyaa ŋúnɔmi na. Gee mii nyuu yele ma lè, gee bee mii wɔ́ɔ̄ nyuu syɛ́ɛnbèle myɛ ma: ‹Ye kòro nyɛ̀nɛ na.› »

Syɛɛnfelegaa a ba ra tuun kàa na, fàngaa si wɔ́ɔ ba ra tuun kàa na. Tári si wɔ́ɔ cúngo tɛɛyaa ni. Kateekpoloyi a wɔ́ɔ ba ra tuun. Kérigèle bee myɛ ke a pye wɔʔɔli sélimɛ.

Ki si n yɛlɛ Syɛɛnjóocǎnri í joo gbɛnʔɛnɛ syɛɛnfeleyi myɛ ma.

Syɛ̀ɛnnɛ saʔa a kɔ́ pan ba ra mii mɛ́ɛgi nii peyɛɛ na si jo poro be nyɛ Kirisi. Pe a tɔ̀nɔ́ ba syɛ̀ɛnnɛ saʔa fáana pùuni.

Ki n yɛlɛ ye sámaga ye yére. Pe a ba ra yele nii kútiijoobèle kɔ́yɔ ni, sáā yele kpúmɔn sérikpaayi ni. Yele a kɔ́ sa yére tári kacɔɔnribéle ní fànʔafɔbèle yɛ́ʔɛ ma mii kéeli na, jàngó bi pye séera be ma.

Níì cán kirisi-fáanabéle, ní kanyaajoo-fáanabéle a ba yìri, sáā fɛ̀ɛbēle ní kakpoloyo kpéʔele, jàngó be fanʔa ga taa poro í Kolocɔlɔɔ syɛɛnnyɛnɛ-wòlobèle fáana pùuni.

«Kàjáa wɔʔɔli bee canya kàdoʔo ma ‹cángi a kàri yébilimɛ, yégi a ní fílige í. Ŋɔripiigèle sáā yìrigí nyɛ̀ʔɛni na bi ba ra tuun, nyɛ̀ʔɛni fàngboloyo a cúngo.›