Suosittuja jakeita Raamatun kirjasta KUBULUKA 32

Jaa

Pidaona anthu kuti Mose akhadembuka kutchitha paphiri pale, iwo adagumanyikana kuzungulira Aroni mbalonga kuna iye mbati, “Ife nkhabe dziwa pyachitikira munthu weneyu, Mose, ule adatitsogolera kutibulusa m'dziko ya Iguputo; tisasanyiretu pyathu milungu kuti ititsogolere.”

MBUYA adalonga kuna Mose mbati, “Tchitha ubwerere kabodzi kene, thangwi anthu ako adatsogolera iwe kubuluka mu Iguputo ale, adawa mbandikhonda. Iwo aleka kale kuteweza matongero adaapanga ine kuti ateweze; iwo asasanya mfanikizo wa mwanamphulu na golidi wakunyunguluswa, pontho akuchipembedza na kupereka nsembe kuna icho. Iwo akulonga kuti yeneyi ndi milungu yawo, idaabulusa mu Iguputo ile.

Pidaona Aroni penepi adamanga guwa patsogolo pa mfanikizo wa mwanamphulu wagolidi mbalalika mbati, “Mangwana kunakhala phwando yakulemedza nayo MBUYA.” Bzobzo mangwana mwache iwo adadza na nyama dzaotcha ninga nsembe zakupyerera, pontho na pinango kudya ninga nsembe zachiphatizano. Anthu adachita phwando, kudya na kumwa kwene, pile pidasanduka kuchita pyakuzuda.

Mangwana mwache Mose adalonga kuna anthu mbati, “Imwe mwadawa pikulu. Mbwenye chinchino ndinati ndiende pontho kuphiri kuna MBUYA, mwinango ndinakwanisa kapempha kuti pyakudawa pyanu pilekererwe.”