Suosittuja jakeita Raamatun kirjasta Maki 14

Jaa

Wundɛ ni kuraminɛ, na “Papaŋ, Fandaŋ woŋ, bɛyi yo bɛyi ba kiŋ baŋɛnɔy kɛnda. Bɛna niya ba kɔɔpu hu ka nambara haŋ haŋ hu be yama buthurɔ. Kɛrɛ wu bɛiŋ niyɔ ka mathimo niŋ nde, kɛrɛ wu niyɔyŋ ka mathimo makɛnda maŋ.”

Wundɛ dome kɛnamɛŋ, na “Huraŋ gbele e beŋ niya kuraminɛ wuna sa beŋ thiika ba niya hakɛ. Thukuma haŋ hu thimoŋ ba niya bɛyi bathumbɛ, kɛrɛ huwɔmɛtiya haŋ ka iŋ sɛmbɛ ba bɛŋ niya.”

Yaŋ thimoŋ ba beŋ siyuwa haŋ haŋ baŋ, kamo kama ka Huseri Huyɔhɔy haŋ haŋ baŋ niya kɛwandi ka fa woŋ baŋ fooma, ba ni hati woyɛrɛmɛ woŋ baŋ ba kɔŋ doŋe tepo ba niŋ siyuwa.”

Huna dome ndɛ kɛnamɛŋ, na “Yaŋ kiŋ iŋ nkinikiniŋ wumandiŋ ka thukuma niŋ haŋ, wu yama kɔ ba kɔra. Bɛna pɛyɔŋ dondo baŋ, beŋ be huru gbele ka nanthe iŋ yaŋ.”

Naa nde bindɛ thɔŋ, Yisɔs sekithe kutoŋ koŋ, e ndɛ thiyiyɛ kuŋ maamo. Naa thankaŋ ndɛ, ndɛ thinkinuwande kuŋ, e kuŋ dunkune bakarandeni beŋ e bindɛ tepe ba dɔma, na “Sɛkithaŋ kutoŋ koŋ koŋ baŋ e beŋ kuŋ thɔma. Kɔtɔ niŋ koŋ kuna.”

Ndɛ sekithe hɛlɛŋ kɔɔpu haŋ e ndɛ thiya Masaala na maamo. Naa thanki ndɛ thiya maamo, ndɛ dunkune bindɛ, awa bindɛ fooma thiiye. Yisɔs dome kɛnamɛŋ, na “Mampa maŋ maŋ mɛna wasi niŋ baŋ ba dunkuŋ yaŋ saathɛ ba biya bibɔyɛ. Wasi bakiyaŋ baŋ bɛna thiŋinɛ mayukunande ma ka Masaala maŋ.

Kɛna dome Yisɔs kɛnamɛŋ, na “Beŋ fooma beŋ kɔŋ yama pɛyɛŋ e beŋ kita napooŋ. Wu kɔŋ niyɔ nɔŋ na tepe Masaala ka magbali nama maŋ na ba dɔma, na ‘Yaŋ kɔŋ kɔri batɔli woŋ, awa takɛŋ beŋ fooma ka kubinthi koŋ bi kɔŋ paŋande.’

Ŋayeŋ ka kɔɔ, miŋ beŋ key. Dethaŋ hɛ, wo yama ni gbɔŋ woŋ, ndɛ kiŋ nda mina wuthuriye.”

Yisɔs dome kɛnama, na “Yaŋ kɔŋ yina tepe, saanuŋ koki woŋ ba kokira kaye huyɛ baŋ baŋ, yi kɔŋ yama buuhu dɔŋɔ kataati ba dɔma na yi kɔita yama.”