Suosittuja jakeita Raamatun kirjasta Mathiyu 19

Jaa

Huna dethe bindɛ Yisɔs e ndɛ dɔma kɛnamɛŋ, na “Biyamɛti sa punku niyɔkɔ kisi, kɛrɛ Masaala punkeŋ niya bɛyi o bɛyi.”

Huna bindɛ ka nda biya biye, kɛrɛ bi kiŋ nda nɔŋ wɔ wunthe. Wu bohinande Masaala ka tha banthe, wɔmɛti bɛiŋ wuŋ paŋinande.”

Huna mɛyiyɛ bindɛ Yisɔs ba dɔma, na “E beŋ tha ni karaŋ magbali ma ka Masaala ma tɛpɛ ba wuŋ niyɔ na ka mathɛrɛŋ maŋ, Masaala yeheni wɔ wathe mɛnɛ wɔ yɛrɛmɛ. Awa ndɛ dɔma, na ‘Ba saabu baŋ baŋ huna wɔ wathe peyene fandama na mɛnɛ nandama na e bɔhande ka tha banthe iŋ wɔtɔ nama, awa biya bibiye beŋ beŋ see nda niyɔ nɔŋ wɔ wunthe.’

Huna dome Yisɔs ka bakarandeni beŋ, na “Niyaŋ ba mpati beŋ beŋ saa kiyaŋ do; baŋ bindɛ pindi, baa beŋ beŋ baŋ siiya bina biyɛ Hugbakinɛ hu ka ariana haŋ.”

Ka lɔkɔ babɛina, bibɔyɛ bi nde ka kɔtɔkɔy beŋ, bindɛ bina nda manki mahɛŋ; awa bimankɛ beŋ nde, bindɛ bina nda si niyɔ ka kɔtɔkɔy.

Ka lɔkɔ babɛina wɔ yo wɔ wo pɛyɛnɛ bankɛŋ nama, maa mbɛndama bibiyɛthɛŋ maa mbɛndama biyɛrɛmɛŋ maa fandama maa nandama maa mpati nama maa thakai nama ba saathɛ ba kiyaŋ, ndɛ kɔŋ tutiya kɛmɛ wunthe ka ntha yo ntha ki piriŋiŋ wundɛ awa ndɛ kɔŋ kutu sii ba kɔy yo kɔy.

Huna dome Yisɔs kɛnama, na “Mɛnɛ yi thimoŋ ba niyɔ wɔ thankinuwɛ, kaa e yi ka niya gbɔŋ fooma munki mukɛnda muŋ, e yi dunkuna kɔbiri woŋ ka bamɔnɛŋ beŋ. Yi kɔŋ niyɔ iŋ hudinhaŋiya ka ariana, awa e yi tiŋ saa ba yama yema.”

Huna dome Yisɔs kɛnama, na “Mbɛ hu yama yi thonthiŋine ba bayɔhɔy ba yi ba niya? Masaala ndɛ wuntheŋ napethi ndɛ na wɔ yɔhɔy. Mɛnɛ yi kiŋ ba kuta sii ba kɔy yo kɔy, putiyɔ sirani ba dunkuŋ nde Masaala baŋ ka yɔnkɔ hu ka Musa.”

Yaŋ kɔŋ hɛlɛŋ bena huŋ tepe, akaahi ba maama womandiŋ nɔŋ nyɔkɔmɛ ba fuŋande ka mathaa ma ka masandeŋ. Ba bananhulu ba biyande ka Hugbakinɛ hu ka Masaala haŋ, wu kɔŋ yaŋ kaahuwa.”

Awa yaŋ kɔŋ bena tepe, wɔ yo wɔ wo baŋaŋ wɔtɔ nama wu ka ba dɔma na wɔtɔ nama ni kubɛi e wɔ bɛina yɛnta yɛrɛmɛ wohɛna, ndɛ ni kubɛi ku teeti kuyɛntande kumayoŋ koŋ.”

Huna dome Yisɔs ka bakarandeni nama beŋ, na “Yaŋ kɔŋ bena tepe nɔndi baŋ, wu kɔŋ kaahi ba bananhulu ba biyande ka Hugbakinɛ hu ka ariana haŋ.