Suosittuja jakeita Raamatun kirjasta LIRAANGA 27

Jaa

Nyasaye akhulerele imbula khurula mwikulu khandi alombe milimi chiochio khuva minuulu! Akhuhe lichesa linyishi li viraakwa nende misabibu chiu khulombakhu idivai. Khali vandu vi tsimbia tsinyishi vave varumishi vovo khandi vandu vakhusikamilenje. Nzikombanga ndi wamihi viikho vovo voosi, khandi vitsukhulu va mama wowo vakhusikamilenje. Nzikombanga ndi vandu vakhulaamanga valaamwi, khandi yavo vakhusaalilanga tsikhaavi vanyole tsikhaavi.”

Esau yamuvoolela, “Yulu nalwo lwa khavili lwa yakhangata. Nashio shivune shichilanga nalaangwa lira Yakobo. Yavukula miandu chianje chia nali nyole khuli mwana mukhulundu, khandi nunundi wakhavukula ikhaavi yanje. Shiulikhu ni ikhaavi khali indala ya wandichila tawe?”

Nalwo lwa Isaka yavoolela Esau, “Uliitsa khumenya havundu wumakana ha lilova livula linuulu, hakhanyolanga imbula yosi tawe. Uliitsa khumenya nukwananga mu shivala, navutswa uliitsa khuva murukwa wa amwavo wowo. Navutswa numuhinganyinya, nalwo lwa uliitsa khuva muvoholole.”

Esau yavoolela tata wewe, “Tata wanje, uvulakhu khali ikhaavi yosi yunyala khumba. Tata wanje, ngasitsakhu inzi khandi.” Esau yaraanga khulila tsikhwili tsindulu.