Suosittuja jakeita Raamatun kirjasta MATIUS 24

Jaa

Ri tempo etu kaja'ana kana mantambai kadeana sampe madea tau mana mosimpotowe. Tapi isema-sema to maroo momparasaya sampe ri kaopuna kana rapakasalama.

Pade Kareba Belo ewa Poparenta nu Alatala kana rapatolele ri njumaongu dunia ala pura-pura manusia mamala mangepe. Maopu etu pade marata kaopu nu dunia.”

Komi kana mangepe wamba ntau mosipatesi pade raepe komi wo'u lele ntau mosipatesi. Tapi ne'e komi maeka, sabana etu pura-pura kana majadi ntani ruru. Tapi etu da'apa tandaina kaopu nu dunia.

Tempo etu tau-tau nggari sangata kana mosibali ka tau-tau to sangatana, pade magau simbau magau wo'u kana mosiewa. Pade ri umba-umba ri dunia kana maria kamateoro bo lingu. Tapi kajadia etu pura-pura aga kasusa pamulana, ewa ju'a besi ntora moana.

Langi bo dunia kana malipo tapi tesaku kana maroo sampe ri kasae-saena.”

Sabana madea tau kana marata mompobalu sangaku. Ira manguli, ‘Akumo Magau to Mompakasalama!’ Pade madea tau rabagiu ira.

Tempo etu komi kana rasoko pade rawai ka tau to mompandasa komi pade mompatesi komi. Komi kana raporau rara ntau nggari umba-umba ri dunia sabana komi nomparasaya Aku. Pade tempo etu madea tau kana mokanggaura momparasaya Aku. Maria to mombawai roa ira topomparasaya ka bali ira. Pade madea tau mosiporau rara samba'a bo samba'a. Pade madea nabi topodawa kana meumba pade mombabagiu tau dea.

Nesonomo Yesus ka ira, “Pakabelo-belo ala ne'e komi rabagiu!

Iwetu wo'u komi kana mainga mompopea karataku, sabana Aku, Ana nu Manusia kana marata ante da'a ranjani-njani komi.”

Etu sampe kuuli, komi kana mainga, sabana da'a ninjani komi nepia karata Pue komi.”

“Tapi eo bo tempo karataku etu da'a ria samba'a nangginjani, nabeloka malaeka-malaeka ri suruga, nabeloka Ana nu Alatala mboto. Aga Umaku mboto to nangginjanina.

Sabana kana meumba tau topodawa to mompangaku iramo Magau to Mompakasalama, pade meumba wo'u nabi-nabi topodawa to mompowia tandai-tandai to nipogumaa bo kabaraka-kabaraka ala mombabagiu tau. Ane mamala nau tau-tau to nipelisi Alatala rabagiu ira wo'u!

Tempo Aku, Ana nu Manusia marata banepia pokainggu manusia kana masimbayu ante pokainggu manusia tempo nabi Nuh nggaolu. Tempo etu da'apa njumaongu dunia nipakalodo ue bete manusia nakanjalia. Ira aga nanggoni bo nanginu pade norongo bo nosiporongo ewa biasa sampe nabi Nuh nesua riara sakaya betena. Da'a ninjani ntau dea nuapa rapawela ka ira sampe pura-pura ue ri dunia nanggabuntu sanggani bo ira nalome puramo. Iwetu wo'u tempo Aku, Ana nu Manusia marata. Manusia bate-batena makanjalia iwetu.