Suosittuja jakeita Raamatun kirjasta ENTANDIKWA 8

Jaa

Akawoowo ak'ekitambiro ne kasanyusa Mukama, Mukama n'agamba munda ye nti: “Sikyaddamu kukolimira nsi olw'ebyo omuntu by'akola, kubanga ebirowoozo by'omuntu bibi okuviira ddala mu buto bwe. Sikyaddamu kuzikiriza biramu byonna nga bwe nkoze kaakano. Ensi ng'ekyaliwo, wanaabeerangawo okusiga n'okukungula, obunnyogovu n'ebbugumu, ekyeya n'obutiti, era n'emisana n'ekiro.”

Noowa n'azimbira Mukama alutaari, n'alondayo emu emu ku nsolo ne ku nnyonyi ennongoofu, n'azookya ku alutaari nga za kitambiro.

Katonda n'ateerabira Noowa, n'ensolo, na buli kiramu ekyali ne Noowa mu lyato. Katonda n'akunsa embuyaga ku nsi, amazzi ne gatandika okukendeera.

Ne likomawo olweggulo nga lirina akakoola akabisi ak'omuzayiti mu kamwa kaalyo. Noowa n'amanya nti amazzi gakendedde ku nsi.