Suosittuja jakeita Raamatun kirjasta Mattheos 19

Jaa

Unkan Jesus ekta etonwe c̣a hewicakiya; Wicaśta ekta he okihipica śni; tuka Wakantanka ekta taku owasin okihipica ece.

Heon, hetanhan nonpapi śni, tuka wicaceḣpi wanjidan ece. Heon, taku Wakantanka yuokonwanjidan kin he ihnuhan wicaśta kiyuśpe cinhan.

Unkan waayupte c̣a hewicakiya; Tuwe otokahe ekta wicakage cin he wica winyan ahna wicakaga, he tohinni dawapi śni he: Qa heya; Heon etanhan, wicaśta atkuku hunku ko eḣpewicaye kta, qa tawicu kin en iyaihdaśke kta; qa henaoza ceḣpi wanjidan kta.

Tuka Jesus heya; Hokśiyoqopa en mahipi kta iyowinwicakiya po, qa teḣindapi śni po; maḣpiya wokiconze kin he hetanhanpi ece.

Tuka tokaheya unpi kin wicota ehake unpi kta; qa ehake unpi kin hena tokaheyapi kta.

Qa tuwe kaśta, tipi, qa hunkawanjitku, qa tawinoḣtin, qa atkuku, qa hunku, qa tawicu, qa cinca, qa maga, micaje on etanhan eḣpeye cinhan, he opawinge akihde hduhe kta, qa nakun owihanke wanin wiconi mnaiciye kta.

Jesus heciya; Owotanna yaun kta yacin kinhan, hde c̣a taku nitawa wiyopeye c̣a waḣpanicapi kin wicaqu wo; kinhan maḣpiya ekta woyuha duhe kta; hehan ku qa mihakam un wo.

Unkan heciya; Tokeca waśte emayakiya he; tuwedan waśte śni, wanji heceedan waśte, Wakantanka hee. Tuka wiconi en yai kta yacin kinhan woahope kin hena ahopa wo.

Qa ake heciciyapi; Kamel wan tahiniśpaciqadan oḣdoka ohna iyaye kte cin he teḣike śni, qa wicaśta wijica Wakantanka tokiconze kin en ye kte cin he teḣika.

Qa miś heciciyapi ce; Tuwe, wawiciḣaḣapi econ kin on etanhan śni, tawicu eḣpekiye c̣a wanji tokeca yuze cinhan, he wawiciḣaḣapi econ ece; qa tuwe winyan eḣpeyapi kin yuze cinhan, he nakun wawiciḣaḣapi econ ece.

Unkan Jesus waonspewicakiye cin hewicakiya; Awicakehan heciciyapi; Tuwe wijica un kin he kitan se maḣpiya wokiconze kin en i kta.