Suosittuja jakeita Raamatun kirjasta Roomi 1

Jaa

Mishiraachee qaaroona yeelleyaache. Yesuus Kiristoosichi mishiraachee qaaro boonoshi mulloon Kiristoosi toommooch tooꞌii beetinaꞌo bullin, shiichiꞌi Ayihudeenaꞌon, aroochee Ayihudo tuneyaaneenaꞌon Yeeri wodiibeeti giidoone.

Ebiyoo mishiraachee qaaroona Yeer waanee daneebeeti cadiqoo bi bekkee beetoyichiye; ebi cadiqoo bi bekkeebeeto, shiichoochee ciirooch beddaahaa Kiristoosi toommooch mulloon tooꞌiyoonane. Ebiyoo “Yeeri toommooch mulloon tooꞌiyoona cadiqito kashecho tuneree beeyemmone” getaa bi kooreetoommoniye.

Yeeri alemoon bi hallitoochee tiijjiꞌi bekkeyaani bi mooyinaꞌo, eboshiyoo bulli yemeenee bi giidoonaa bi nuggishittinoona, bi halliti mooyinaꞌoochee aricheꞌi asheenaꞌoyich xalla bekkee beetinaꞌone; ebich boonoshi wochemmi noonoo boonoshich aalloone.

Ebiyoo Yeeri koni bi gaata ariibee, Yeeri bi tunee oogoonaa galletoonon biich boonoshi bajjitoyichiye. Boonoshiyoo duube gabecho tuneheete; gabaalli boonoshi mullo xummehe.

Ebiyoo Yeerichi iberoon kootoona boonoshi shadditonaa Hallito beetaa halleetoyich boonoshi goyinnee maddetonoyichiye. Halliti Yeeri bulli yemeenoon galleteetone. Ameena.

Yeerichi ibere mooyo aricheyaachemmoyich boonoshi gondoona qeriibeeti asheenaꞌochi axaaxoonaa gondo bullinochi toommooch Yeeri bi kaaree shiixxoon shimaayoochee kindiyemmone.

Ebich Yeeri yeelliibeeti qaatee toommooch boonoshi beetaa boonoshin qajjiye. Maacheenaꞌo boonoshi hallooch beeti mooyon hallooch aalli mooyona shaddiyeete. Ebiyoommon anaaminaꞌo boonoshi hallooch beeti mooyon, ebiyoo maacheenaꞌona tookkii qemon qajjiichii, boonoshinaa boonoshina qaatoona qitiyeete. Anaaminaꞌo boonoshiyoommi anaaminaꞌo toommooch yeelliibeeti mooyon halliꞌi boonoshi tuniiti gondoyich bede sheeroon boonoshi hajjee kishoona danetinaꞌone. Yeerin ariyoon gaacaallo shaahiiꞌi boonoshi gabitoyich, tuneyaani mooyon boonoshi hallemmoyich, Yeeri boonoshin qajjiye; ebich xumme gaboon baach gabiyeete.

“Ariyecho noone” iibee mullaalleenaꞌo tuneheete. Oogee yiirechi bulli yemeenee Nuggishoyich goyinnemmon qajjiichii, qitemmi asheenaꞌochi, yoobbereenaꞌochi, gijjeenaꞌonaa kubbi cooxinaꞌonochi, yuummereenaꞌochi shahalloon boonoshi kishoona shuuneꞌi eboshich goyinneheete.