Suosittuja jakeita Raamatun kirjasta Matiu 11

Jaa

Maimokau ope-ope au mawowe hai au mantimi haleami. Ina Kuweihaakau haleami.

Nihaleami haleaNgku, hai megurukau Iriko bona molambikau katinda lalu. Lawi maalusuNa hai mengkaiwoiNa.

HawaNgku bara mapari, hai mangaa haleaNgku au Kuweikau nihalea.”

Roo indo, nauli mbuli Yesu, “Hinangkana NaweimoNa UmaNgku. Bara ara hadua au moisaNa, Iko Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.

Kanahadina Yesu pekunenda, Nauliangaahe node, “Mesulemokau, hai nipetumbuia Yohane apa au nihadi hai au niita: au bilo meitami, au palu molumaomi, au ketangga maohami, au bongo mehadimi, tauna au mate Kupatuwo hule, hai Ngkora Marasa Kupahawemi i tauna au meahi-ahi tuwonda.

Hema au motalinga, nipehadingi maroa!