Suosittuja jakeita Raamatun kirjasta Филипийцэнгэ 2

Jaa

и тэ на кэрэ́н ничи́ пир холы́, ци пир пэ́скиро шарибэ́н, а тэ кандэ́н екх екхэ́с, тэ гинэн явирэ манушэ́н фэды́р пэ́стыр; на екх пал пэ́стэ кажно ману́ш исын банго́ тэ дыкхэ́л, нэ и пал явирэндэ.

Палдава́ трэй, соб (кай) тэ явэ́л тумэ́ндэ доя́-паць годы́, сави́ исын дрэ Исусо́стэ Христосо́стэ

Савэ́стэ сыс андратуно кхэтаныпэн Дэвлэ́са, нэ Ёв на гиндя Пэс тэ сыкавэ́л адасавэса-паць, сыр Дэвэ́л, а Ёв чхудя́ дрэ риг Пэ́скири Дэвлыткима, Ёв яця́ сыр писха́ри, саво́ зджа́ла пэ манушэ́ндэ, и пир дыкхибэ́н – Ёв яця́ сыр ману́ш; Ёв чхудя́ Пэс тэлэды́р, кандыя́ кэ мэрибэ́н, и мэрибэ́н пэ трушу́л.

пал-дова́ со адава́ исын Дэвэ́л, Саво́ выкхарэла дрэ тумэ́ндэ во́ля и рэ́нды пир Пэ́скиро выкэдыибэн.

Палдава́ адя́кэ-паць и Дэвэ́л ґаздыя́ Лэс и дыя́ Лэ́скэ лав вучэды́р сарэ́ лавэ́ндыр, соб (кай) ваш Исусо́скиро лав, саро́, со исын пэ болыбэ́н, пэ пхув, и тэл пхув, тэ бандёл пэ чанга́, и, соб (кай) кажно чиб тэ ракирэ́л, со Рай Дэвэ́л, Ису́со Христо́со, исын Рай Дэвэ́л ваш Дэвлэ́скирэ-Дадэ́скири сла́ва.

Саро́ кэрэ́н би холямэ́ ракирибнаскиро и би кунипнаскиро, соб (кай) тумэ́нгэ ни дро со тэ на явэ́л банг и, соб (кай) тумэ́ тэ явэ́н жужэ́ (чыста) Дэвлэ́скирэ чхавэ́ и бидошакирэ машки́р манушэ́ндэ, савэ́ исын биладжаипнытка и розмэкнэ, кай тумэ́ зяинэна сыр чэргэня́ дро свэ́то

И палдава́, мирэ́ дро́га, сыр тумэ́ саро́ часо, ке́ли мэ сом тумэ́нца, нэ буты́р сарэ́стыр какана́ дро дава́ часо, ке́ли ман нанэ тумэ́нца, причхувэ́н зор дара́са и издраныпнаса тэ кэрэ́н буты́ ваш пэ́скиро зракхибэ́н