Suosittuja jakeita Raamatun kirjasta Матфеё 28

Jaa

Палдава́ джа́н, сыклякирэ́н сарэ́ на́цыи, болэн лэн дро лав Дадэ́скиро, Чхавэ́скиро и Свэнтонэ́ Духоскиро (Фаноскиро); сыклякирэ́н лэн тэ кэрэ́н саро́, со Мэ припхэндём тумэ́нгэ. И, акэ, Мэ сом тумэ́нца кэ векоскиро ко́нцо (яго́ро).”

На Ису́со явдя́ и пхэндя́ лэ́нгэ; “Саро́ право дыно́ Ма́нгэ, сыр пэ болыбэ́н, адя́кэ пэ пхув.

И лыя́ тэ ракирэ́л Янго́ло, пхэни́ джувленгэ: “На андыршан; мэ джино́м (джина́в), со тумэ́ родэ́на Исусо́с, Савэс примардэ пэ трушу́л; Лэс (Ёв) нанэ ада́й, пал-дова́ со Ёв отджидыя́, сыр Ёв и пхэндя́. Явэ́н, подыкхэн штэ́то, кай Ёв сыс пашто́

Тэды ракирэ́ла лэ́нгэ Ису́со: “На андыршан; джа́н, и пхэнэ́н Мирэ́ пшалэ́нгэ, соб (кай) тэ джа́н дрэ Галиле́я; и одо́й ёнэ дыкхэ́на Ман.”

И ке́ли ёнэ скэдынэ́пэ кхэтанэ́ годэпхурэнца, зракирдэпэ машки́р пэ́стэ; ёнэ дынэ́ бут рупувэ́ ловэ́ халадэнгэ, ракири́: “Пхэнэ́н: ‘Лэ́скирэ сыкляибны́тка явнэ́ раты́, чордэ Лэс, ке́ли амэ са́мас сутэ́.’ И ко́ли дава́ явэ́ла джиндло́ тхэмэ́скирэ барыдырэ́скэ, амэ патякира́са лэс и зракхаса тумэн пиридживипнастыр.” И ёнэ лынэ́ рупувэ́ ловэ́ и кэрдэ́, сыр лэн сыклякирдэ́. И кадая́ мавлы́н (малва) розгия́пэ машки́р Юдэ́ндэ кэ/жы́ко ададывэсатуно дывэ́с.