Suosittuja jakeita Raamatun kirjasta 1 Химаскэ 1

Jaa

Кадава́ лав исын патяибны́тко, со Ису́со Христо́со явдя́ дро свэ́то тэ зракхэ́л грехитконэ́н, савэ́ндыр мэ сом най фуеды́р.

Нэ ваш дава́ ма́нгэ сыс примангнэ грэ́хи, соб (кай) Ису́со Христо́со тэ сыкавэ́л дрэ ма́ндэ пэрвонэстэ саро́ длуго вырикирибэн, соб (кай) тэ дыкхэ́н одолэ́, савэ́ явэ́на тэ патя́н дрэ Лэ́стэ кэ ве́чно джиибэ́н.

Дава́ припхэныбнаскиро чачипэ́н исын дро паты́в кэ яви́р мануша́ жужэ́ илэ́стыр и лачхэ́ патыватыр и чачунэ́ патяибнастыр

Вечнонэ Крали́скэ, саво́ ние́кхвар на мэрэ́ла и дживэ́ла дрэ сарэ́ ве́ки, Набицялэскэ и Екхджинэскэ Дэвлэ́скэ, мэк тэ явэ́л паты́в и сла́ва дрэ сарэ́ ве́ки.

амэ джина́са, со Зако́ны исын счхудэ на ваш патяибнытконэ манушэ́скэ, а ваш одолэ́нгэ, савэ́ кэрэ́на на пир Зако́но, и савэ́ на кандэ́на, и савэ́ на патя́на Дэвлэ́скэ, и савэ́ кэрэ́на грэ́хи, и савэ́ исын бидэвлыткарья, и савэ́ исын магирдэ́, и савэ́ ґаздэ́на васт пэ пэ́скирэ дадэ́стэ ци датэ, и савэ́ мулякирэна манушэ́н, савэ́ дживэ́на джувле́нца би сэвлакиро, савэ́ дживэ́на муршэнца сыр джувле́нца, савэ́ чорэна манушэ́н, савэ́ исын хохаибнарья, савэ́ совлахана хоханэ́с сыр якхи́тка.