Suosittuja jakeita Raamatun kirjasta Ma̱te̱yo̱ 5

Jaa

Iróng wo̱ye̱ ol adima urez kar ku̱bu̱nge̱t uduca. Abarik aronik nginti een i̱te̱le̱ kar kataran ol ce̱e̱za̱ do̱o̱k. Ogon zin baizi ci ol cik diirik ki urez ci ataran ce̱e̱z, aanycik zin urezwa ciggo̱k katalanyit kataranit ol, kar nege kicinnet bunnat cunno̱ng, kar zin nege kinnatit Be̱e̱ti̱nno̱ng wa aave ta̱mu̱-kenga.

“Ogonnu niga ki urez ci lo̱o̱tu̱. Eci orogi ci eenyce zi̱i̱ra̱ ta̱dde̱na̱ iróng a̱lu̱gnye̱.

U̱mu̱yu̱k Ta̱mu̱ta̱dde̱n ol wak caalek zi̱nze̱tti̱, acin atin nege Ta̱mu̱ta̱dde̱n.

U̱mu̱yu̱k Ta̱mu̱ta̱dde̱n ol wak a̱jji̱n zi̱nze̱tti̱ cigge̱k zoz ci Ta̱mu̱ta̱dde̱no̱ ki bunnat cinne, aruba atin zi̱nze̱tti̱ cigge̱k gi̱i̱ ci orong nege.

Abarik zin ka̱nne̱kku̱ng ne: Irezzit modden cuggo̱k, alayek ol wak a̱gi̱ddu̱ng Ta̱mu̱ta̱dde̱n

“U̱mu̱yu̱k Ta̱mu̱ta̱dde̱n ol wak amati vongiza, eci ba̱a̱li̱ne̱t ci ta̱mu̱-kengo okko een cinne̱ng.

U̱mu̱yu̱k Ta̱mu̱ta̱dde̱n ol wak aganiz ol, ovvo atin nege e̱e̱ggi̱n dooli cik Ta̱mu̱ta̱dde̱no̱.

U̱mu̱yu̱k Ta̱mu̱ta̱dde̱n ol wak aavtte u̱lu̱wa̱na̱, okko atin Ta̱mu̱ta̱dde̱n a̱ti̱ri̱z nogo katalto.

U̱mu̱yu̱k Ta̱mu̱ta̱dde̱n ol wak a̱gi̱d ol zo̱ze̱ ci bunnat cinne, een ba̱a̱li̱ne̱t ci ta̱mu̱-kengo ko̱ cinne̱ng.

U̱mu̱yu̱k Ta̱mu̱ta̱dde̱n ol wak abunna, acin atin nege bunnat ci Ta̱mu̱ta̱dde̱no̱.

“U̱mu̱yu̱ng zin Ta̱mu̱ta̱dde̱n i̱ge̱ta̱ ol wak odomnyung ol, a̱gi̱ddu̱ng ol kar ogonekku̱ng kaal cik lo̱rye̱nta̱k zo̱ze̱ cinanni. Ataltto, eci atin Ta̱mu̱ta̱dde̱n amuccu̱ng i̱ge̱t ta̱mu̱-kenga, ogon ki bali ming a̱gi̱d ol a̱ri̱tto̱k balik a̱vvu̱ o̱o̱we̱ cunno̱ng ke̱.

U̱mu̱yu̱k Ta̱mu̱ta̱dde̱n ol wak iróng odong e̱le̱tti̱ cigge̱k, ovvo atin nege aragiz lo̱o̱c.

“Ogonnu niga ki mile ci lo̱o̱tu̱, ma̱i̱je̱ ming amaktali mile, iróng ngen emede. Kogon bo̱do̱k wo̱ye̱ kize mile ku̱, kar kemed? Iróng bo̱do̱k ngen abunna gi̱i̱ye̱ emani, agano ming a̱ju̱ko̱ni̱k tu̱ kar kimice ol.

Abarik zin abunna ming abakku baiz ci abunna ki Ta̱mu̱ta̱dde̱n cinno̱ng wa een Be̱e̱ti̱nno̱ng wa aave ta̱mu̱-kenga ko̱.

Ming elema i̱nna̱ zoz neci, lema, ming aburi, tuburo, ming anyak zoz imma ci ommog necu, a̱kku̱ lo̱rye̱nta̱.

“Iziktu niga zoz ci bali eher Musesi, azi ne, ‘Ming akat e̱e̱ti̱ gooni e̱be̱re̱c, akane e̱be̱re̱ci̱ cinne bu̱k, okko nyigitat ki nyigitat.’ Abarik zin ka̱du̱wa̱kku̱ng, ma alami e̱e̱t ci gerze. Ming apani e̱e̱ti̱ mucec co̱de̱, anyik kapan o̱to̱n co̱de̱ ke̱ bu̱k.

Ming aanyi e̱be̱re̱ci̱ ci a̱zzo̱ ko̱ mu̱nye̱n, agano abarik ming otokcak e̱be̱re̱c co̱de̱ tu̱, gerza ming a̱ju̱ko̱ni̱k ele do̱o̱k gwo̱o̱ ci alanyit udut. Kar bo̱do̱k ming amaraki a̱zzi̱ti̱ ci a̱zzo̱ mu̱nye̱n, agano abarik ming ettedak tu̱, gerza abarik ming a̱ju̱ko̱ni̱k ele do̱o̱k gwo̱o̱ wa alanyit udut.”