Suosittuja jakeita Raamatun kirjasta Ma̱te̱yo̱ 19

Jaa

Egelem zin Ye̱su̱ nogo kar kize ne, “Ming een i̱no̱ni̱nte̱ ci e̱e̱t ci diiri okkomi kaala ne̱ko̱ kak, ma̱i̱je̱ ngati Ta̱mu̱ta̱dde̱no̱ i̱llo̱i̱ gi̱i̱ imma ci ommog nonno.”

Iróng nege ngen e̱e̱ggi̱n ol rama, a̱vvu̱to̱ nege ko̱do̱ye̱, ma anyike e̱e̱t imma kenger nogo, eci Ta̱mu̱ta̱dde̱n urum nogo.”

O̱bo̱de̱k zin Ye̱su̱, “Ngen dim da̱ ikebit Waraga ci Ta̱mu̱ta̱dde̱no̱? Arrak oowa ‘eenyca Ta̱mu̱ta̱dde̱n nogo kizeto e̱e̱t ci maci ki ci nga̱a̱ye̱.’ Kar kize ne, ‘Eci zo̱ze̱ necu, ungnek atin e̱e̱ti̱ ci maci baatinne ki yaatinne lo̱o̱c kar koot kurumet baiz ki ngaa cinne, kar ol ne̱k een rama ko̱ kizeto ele co̱de̱.’

Ize zin Ye̱su̱ ne, “Aanycik dooli ne̱ko̱ ki̱vi̱ta̱n. Ma alamnyu nogo! Eci ba̱a̱li̱ne̱t ci ta̱mu̱-kengo een cinne̱ng.”

Ma̱i̱je̱ ol wak meelek e̱e̱ggi̱n o̱o̱tti̱ i̱yo̱ko̱ ko̱, ovvo atin nege e̱e̱ggi̱n vu̱rrti̱, imma ol wak meelek e̱e̱ggi̱n vu̱rrti̱ ko̱, ovvo atin nege e̱e̱ggi̱n o̱o̱tti̱.”

Imma e̱e̱ti̱ ci ungnek ce̱e̱zi̱ icima gotonoggi icima ngonoggi icima baatinne icima yaatinne icima dooli icima kaal ciginnek zo̱ze̱ cinanni, amuda atin o̱bo̱n co̱de̱ (100) kaale ne̱k ungnek enne lo̱o̱c ke̱, kar atin karagiz baiz wa aave udut.

Abariz zin Ye̱su̱, “Ming orongi i̱nna̱ ize e̱e̱t ci iróng anyai mu̱nye̱n, bit tuwoyi i̱jjo̱ cigunnek do̱o̱k, kar anyik o̱ro̱bi̱ya̱ ol cik amati, kar zin kaala cigunnek kadazze ta̱mu̱-kenga. Kar i̱jja̱ zin nuwan.”

O̱bo̱de̱k zin Ye̱su̱ nonno, “Nya ming a̱jji̱nna̱ gi̱i̱ ci abunna ko̱? Anyak e̱e̱t Co̱de̱ ṯok ci abunna. Ming orong i̱nna̱ ruba baiz, to̱ngo̱o̱lle̱ lo̱ti̱nno̱k.”

Ka̱du̱wa̱kku̱ng dee, abarik obokce ngati naganagawo ngati i̱zo̱we̱ orotenit wa een volongnyoit ko̱, okkomi zin ngati e̱e̱t ci een bo̱to̱ro̱c kar ki̱tto̱ ba̱a̱li̱ne̱t ci Ta̱mu̱ta̱dde̱no̱ ta̱mu̱-kenga.”

Ka̱du̱wa̱kku̱ng zin zoz cu: Ming oog e̱e̱ti̱ ngaa cinne kar ki̱ti̱k ngaa imma, ogon ki e̱e̱ti̱ ci orooto ki ngaa ci e̱e̱to̱. Oog wo̱ye̱ e̱e̱ti̱ ngaa cinne ming orooto ki e̱e̱t imma.”

Kar zin Ye̱su̱ kizek nuyak ciginnek ne, “Ka̱du̱wa̱kku̱ng zin zoz ci een de̱de̱, okkomi kak ngati e̱e̱t ci een bo̱to̱ro̱c ngati i̱zo̱we̱ ba̱a̱li̱ne̱t ci ta̱mu̱-kengo.