Suosittuja jakeita Raamatun kirjasta Мәтта 28

Jaa

Ньһа һәрʼьн һʼәму мьләта һин кьн у ԝана бь наве Бав, Кӧрʼ у Рʼӧһʼе Пироз бьньхӧминьн у ԝан һʼәму тʼәмийед кӧ Мьн данә ԝә мьләта һин кьн, ԝәки әԝ хԝәй кьн. Әз ва ирода һәр тʼьм һʼәта ахьрийа дьнйайе тʼәви ԝә мә!»

Иса незики ԝан бу, ԝанрʼа хәбәр да у гот: «Һʼәму һʼӧкӧме әʼрд у әʼзмен Мьнрʼа һатә дайине.

Мьлйакʼәт ԝан кʼӧлфәтарʼа гот: «Нәтьрсьн! Әз заньм һун ль Ԝи Исайи дьгәрʼьн, Йе кӧ һатә хачкьрьне. Әԝ нә ль вьр ә, чьмки Әԝ жь мьрьне рʼабуйә, чаԝа кӧ Әԝи готьбу. Ԝәрьн ԝи щийе кӧ Әԝ пʼалдайи бу бьбиньн.

Һьнге Иса ԝанарʼа гот: «Нәтьрсьн! Һәрʼьн бежьнә бьред Мьн, кӧ әԝ һәрʼьнә Щәлиле у ль ԝьр ԝе Мьн бьбиньн».

Сәрәкед кʼаһина тʼәви рʼуспийа щьвийан у шеԝьрин. Паше ԝана гәләк пʼәрә данә нобәдара у готьн: «Бежьн: ‹Чахе әм хәԝеда бун, шагьртед Ԝи һатьн Әԝ дьзин›. У һәгәр әв тьшт бьгьһижә гӧһе ԝәли, әме ԝи рʼази кьн у ԝә бехәм кьн». Ԝана жи пʼәрә һьлдан у ӧса кьрьн, чаԝа кӧ һатьбунә һинкьрьне. У әв готьн ль нав щьһуйада һʼәта рʼожа иро бәла буйә.