Suosittuja jakeita Raamatun kirjasta ၥ မိ 27

Jaa

ဟိဝၩဆိၪဂ့ၩဝ့ၫ အနၧၫ့မၧၫ့အၥိၭနီၪလီၫ.- တၭမွဲယွၩ ဖ့ၪလၫ့နၧၩ လၧမူၭခိၪအဆၩ့ထံၫ, ဒဲဂၪ့ခိၪအၥိၪ, ဒဲဘုၪ ၥံၪဂူၫၥံၪ, ဒဲစဘံၭထံၫစဘံၭနီၫ့အၪလ့ၬဆံၭ.- မွဲၦခမျၧး လဖၪမၩနဆၧတၭ, ၦအၪဆၨၩလဖၪ ကူၭလၩ့အၥၭ လၧနမ့ၬယၫဆံၭ. မွဲနကဲၪထၪ့နထၧၫ့ဖုဝဲ လဖၪအက ဆါ, ဒဲနမိအဖိၪခွၫလဖၪ ကူၭလၩ့အၥၭ လၧနမ့ၬယၫ ဆံၭ. ၦလၧအဆိၪအၧၩ့နၧၩနီၪ, မွဲအဘၪဆၧဆိၪအၧၩ့ ဆံၭ. ဒဲၦလၧအဆိၪဂ့ၩနၧၩနီၪ, မွဲအဘၪဆၧဆိၪဂ့ၩ ဆံၭ.

န့ဆၧတၭ, မၩန့ခွံၬယူၭနဆၧဆိၪဂ့ၩယူၭ.- အဆၧစံၭ ဝ့ၫဒၪ, အဝ့ၫအၪ့လီၫန့ယၧၩ နံၫဘျၩ့ယီၩတၭ, ဆၧအ မံၩ့စယၫကူၭနီၪမွဲအ့ၬဧၪ. မွဲအမၩန့ခွံၬယဝဲၡါအလး တၭ,ယိခွါ, ဘိၩ့နဲၪ့ယီၩ, မၩန့ခွံၬဒီၭ အဆၧဆိၪဂ့ၩ ယူၭလီၫ. မွဲနလအီၪက့ၪလၩ့ထးလၧၩ့ဘၪ ဆၧဆိၪဂ့ၩ လမံၩ့မံၩ့လၧယဂးဧၪ.

အဖါစအံစၭ စံၭဆၧၫ့ဆၧတၭ, စံၭအဝ့ၫ, ယိခွါ, နအီၪအလး မိအီၪလၧဂၪ့ခိၪအၥိၪ, ဒဲမူၭခိၪလၧထၭ လခီၫအဆၩ့ထံၫနီၪလီၫ.- တၭနမိမၧၫ့လၧနနၭ, ဒဲနမိ မၩနဖုအဆၧ, ထီးနစဲၪ့ဝံၩ့ဝၩ့ဒၪဆၧတၭ, ဆၧမိမၩအ ၥၭလၧနမိမၩ ခါခွံၬအနိၪယိၭဘီၩ့ လၧနခိၬလီၫ.

တၭစအံစီၫစံၭအဖါ, နအီၪလၧဆၧဆိၪဂ့ၩန့ၫလမံၩ့ လီၫဧၪ, ယဖါဧ့. ဆိၪဂ့ၩယၧၩ, ယၧၩဆ့ဆံၭ, ယဖါ ဧ့,တၭစအံစီၫ ထုၭထၪ့အလူတၭ, အမ့ၬထံၫလၩ့လီၫ.