Suosittuja jakeita Raamatun kirjasta Ohuchaaka 18

Jaa

Sibulao esiindu sihaya Omwaami. Koti lu mboolere, embaka y'emyoosi kitaanu-na-kine ohutula buti, njia ohukobola obutakosa, mani Saara achia ohuba neende omwaana musyaani.”

Mani Saara niyeecheha omweene n'aboola ati, “Ese ndamala ohwetulira hu lwaanyi, haandi omusaacha waange yesi mukofu niye, mani mbula obwekoombi bwoosi obw'omusaacha.”

Abeechuhulu bae bachia ohweehola esyaalo sihoongo haandi esy'amaani; haandi ebyaalo byoosi bichia ohunyoola ehabi nibimubitiramo.

Abburahamu yasuda aambi neende Omwaami yaamuteeba ati, “Bwadyeeri mbwe ochia ohusihirisa abaandu baluungifu alala neende abonooni? Nae niwiichuhana abaandu baluungifu amahumi kataanu baaba nibali mu siko esyo, oba ochia sa ohusihirisa esiko esyo mani ohaye ohuwonia abaluungifu amahumi kataanu abalimo?

Mani Omwaami yakobolamo ati, “Niwiichuhana ndanyoola mu siko sya Sodomu abaandu baluungifu amahumi kataanu, haba siimba niinjia ohusisihirisa daawe, hulw'abaandu amahumi kataanu abo.”