Suosittuja jakeita Raamatun kirjasta 1 Pedro 5

Jaa

Itugyan kaniya ang tanan ninyong kabalaka kay siya nag-atiman kaninyo.

Apan human sa inyong pag-antos sa mubong panahon, ang Dios mismo nga mao ang tinubdan sa tanang grasya ug maoy nagtawag kaninyo sa pagpakig-ambit sa iyang walay kataposang himaya uban kang Cristo, maghingpit ug maghatag kaninyog kalig-on, kusog ug sukaranan nga dili matarog.

Pagmaigmat ug pagmabinantayon kamo kay ang inyong kaaway nga mao ang Yawa naglibotlibot kaninyo sama sa liyon nga nagngulob, nangita ug tukbonon. Lig-ona ang inyong pagtuo ug sukli siya kay nasayod kamo nga ang inyong isigkamagtutuo sa tibuok kalibotan gisulayan usab sa samang alantuson.

Busa pagpailalom kamo sa gahom sa Dios aron magtuboy siya kaninyo sa panahon nga iyang gitakda.

Kamo usab nga mga batan-on kinahanglan nga motahod sa mga magulang kaninyo. Pagpaubos kamong tanan ug pag-alagad sa usag-usa kay ang kasulatan nag-ingon, “Kontra sa Dios ang mga garboso apan maluoy siya sa mga mapaubsanon.”