Suosittuja jakeita Raamatun kirjasta Fīripo 4

Jaa

ꞌIna ko manaꞌu rahi ki te meꞌe topa atu ꞌi ruŋa i a kōrua. E pure ki te ꞌAtua, e ani ki a ia mo hāꞌūꞌū atu, ꞌe ꞌina ko rehu mo māuru-uru.

Mo aŋa o kōrua i te meꞌe ena, he vaꞌai atu e te ꞌAtua i te haumārū ꞌina e ko aŋi-aŋi e te manaꞌu taŋata, ꞌe mo nā haumārū e hāpaꞌo i te kōrua māhatu ꞌe i te kōrua manaꞌu ꞌo te ai o kōrua ꞌa Ietū Kiritō.

ꞌE tāꞌaku vānaŋa hopeꞌa mo kōrua, e te taina ē: e manaꞌu ki te meꞌe parautiꞌa, ki te meꞌe taꞌatoꞌa tano mo moꞌa, ki te meꞌe tano ki te mata o te ꞌAtua, ki te meꞌe ꞌina he hara, ki te meꞌe nehe-nehe, ki te taꞌatoꞌa meꞌe riva-riva. Te kī: e manaꞌu ki te meꞌe taꞌatoꞌa tī-tika ꞌe tano mo haꞌahana-hana.

Meꞌe nō era mo topa mai, e ꞌite nō e au mo maꞌu, māuru-uru ki a Ietū Kiritō, kope haka pūai mai i a au.

E koa e oho nō kōrua ꞌo te ai o kōrua ꞌa Ietū Kiritō. ꞌĪ a au he kī haka ꞌou atu: ¡E koa kōrua!

ꞌE mo te ꞌAtua, ki a ia a au e tāvini nei, e vaꞌai atu i te meꞌe taꞌatoꞌa hape o kōrua mai te hauhaꞌa taꞌe pau ꞌāꞌana ꞌo te ai o kōrua ꞌa Ietū Kiritō.

E aŋa tahi kōrua i te meꞌe hāpī atu e au, he meꞌe ŋaroꞌa ꞌe takeꞌa era kōrua mai i a au. Pē ira he hokorua atu e te ꞌAtua vaꞌai mai i te haumārū.

E ꞌite e te nuꞌu taꞌatoꞌa: nuꞌu riva kōrua. Te hoki iŋa mai, paꞌi, o Ietū ko hāhine ꞌana.

E ꞌite rō ꞌā a au pē hē te noho iŋa ꞌi roto i te oŋe ꞌe pē hē te noho iŋa ꞌi roto i te mau. ꞌE e ꞌite takoꞌa rō ꞌana a au mo koa ka ai atu e mākona rō ꞌā ꞌo e maruaki rō ꞌana, e ai rō ꞌā ꞌo e taꞌe ai rō ꞌā tāꞌaku meꞌe.

Taꞌe he hape o tāꞌaku meꞌe e kī atu ena a au i te meꞌe nei. A au, paꞌi, ko ꞌite ꞌana mo koa i te meꞌe nō era ꞌāꞌaku i ai.