Suosittuja jakeita Raamatun kirjasta San Mateo 2

Mit itʉ́gʉygaj tujugum, i-is̈cau ayé qui'chwáy mit ima̱m María, mit nicos̈atenda̱jcʉjʉu mit i-adora̱tcau je'. Igui-awá̱tscaj ayé caja itumuyo'ygaway regalu, iyajcajau regalu de oro, po̱m mit tu'c po't pa'cs̈u'cpay inʉ'jyway mirra.

Cuandu Jesús i-ijt en ayé nʉ'jcopac Belén Judeajway na̱s̈, ma̱gujat orienteway coygau Jerusalén, mit wejpu'n manda̱t rey Herodes, mit je'jat i-ucyo'tcau: —¿Jʉm itsʉ̱na ayé jeme itway pa ijatwa'n judíujat irejyat? Ni'c tʉn-is̈cajau ima̱jts mam tʉtsʉ̱́ngaj oriente mit tʉmingau pa tʉs̈-adora̱tcawa'n.

Igui-ís̈caj ayé laj mam itentajn ayé ma̱jts, ji'cta̱jcau ijo̱jtat.

Mit Dios i-actujawigʉs̈ cucma'ni'c magajapítujca mam itsʉ̱na Herodes. Cʉs̈ je'jat pichingau pa jatu'c to̱u pa itʉcmayna̱s̈at. Mit cʉs̈ inʉ́s̈canuj ayé ma̱gujat, el Señor i-ángel ique's̈ta̱jcau José cucma'ni'c mit inʉjmau: —Ca's̈ʉ'c, munʉs̈cʉs̈ ayé qui'chwáy mit ima̱m, mit po'jca pa Egiptojway na̱s̈, mit tan jem hasta tʉnʉjmawa'n, ni'c Herodes iche'náj ayé qui'chwáy pa igui-ago'cwa'n.