Suosittuja jakeita Raamatun kirjasta A̱romawa 9

Mat a̱nia, ku tak nang A̱gwaza wa nkhai á̱niet a̱ fa̱k kunak mba. A̱tyubishyi maai a̱ khai a̱ nyia̱ ta̱m da̱nian A̱gwaza a̱ ka fa̱k kunak gu bah.

Ma̱nang A̱gwaza nnyia̱ ma̱ng Musa, “A̱tyu n shim n fa̱k kunak gu a̱ni, nggu wa n na fa̱k kunak nggu hu. Ma a̱nia wa, a̱tyu n shim n fa̱k shok gu a̱ni, nggu wa n na fa̱k shok nggu ji.”

N na nwuak shim nyia̱, “Nwan a̱tyubishyi, nwan wa yet a̱nyan, nang a na ngya fwuang ma̱ng A̱gwaza? Ka̱ doot a̱la̱n nang á̱ nok ma̱ng lyem a̱ni, ka̱ nyia̱ ma̱ng a̱tyu a̱ nok ka a̱ni, ‘Yihwa mbyia̱ a nnok nung a̱nia a?’ ”

Si̱ huni tak nang A̱gwaza ni̱ nfa̱k kunak a̱tyu nang gu khai a̱ fa̱k kunak gu a̱ni. Ma a̱nia wa, a̱tyu gu ma nkhai a̱ tyia̱ nggu lak fwuong a̱ni, a̱ na tyia̱ nggu lak fwuong hu.

A̱tyu a̱ nok li̱la̱n ma̱ng lyem a̱ni, a̱ byia̱ a̱wat za̱m gu na nnyia̱ ta̱m ma̱ng lyem hu di̱ si̱sak gu nchat a̱ni. Ka̱ a̱ shim gu kyiak a̱ kwang lyem a̱nyiung gu nnok li̱la̱n feang; da̱nian a̱nyiung ka̱ yet a̱si̱ weang nkyayak, a̱wot a̱nyiung ka, ka̱ ka yet a̱si̱ khwot a̱fi̱fi̱k kuzang jen.