Suosittuja jakeita Raamatun kirjasta Matyu 2

Ba̱ si̱ nwuo mami a̱li ka, ba̱ si̱ li nggwon ka ma̱ng a̱yang nka wu Ma̱ryamu. Ba̱ si̱ ta̱bwak a̱byin ba̱ si̱ kyuak nka ntong. Ba̱ si̱ khwuk a̱ka̱sham gumaat mba na, ba̱ si̱ ti̱n za̱nang mba ji. Ba̱ si̱ neap nka zi̱nariya, turare, ma̱ng a̱myia̱ nang á̱ ngyei mur a̱ni.

Nang á̱ mbyin Yesu mi̱ Ba̱italami ma̱ a̱byin Yahudiya a̱ni, nang a̱gwam Hiridut wa nyia̱ tyok hu; a̱jawa a̱yaagwak lyen á̱ta̱ngwat si̱ bai Urusha̱lima neet di̱ nfam a̱tyin. Ba̱ si̱ ba̱ lyip nyia̱, “Nggwon ka nang á̱ byin ka̱ yet a̱gwam A̱yahudawa wu a̱ni, shya̱ a̱ji wa? Mat zi̱ li a̱ta̱ngwat nggu ka ghwut neet di̱ nfam a̱tyin, zi̱ bai zi̱ ka kyuak gu ntong.”

Nang ba̱ ndi a̱ta̱ngwat ka a̱ni, ba̱ si̱ fa̱k a̱sai a̱lyia̱, ba̱ si̱ gwai ba̱t!

Nang ba̱ ndoot na bwuok a̱ni, ba̱ si̱ kai vak ghyang á̱ nat a̱byin mba ka. Mat A̱gwaza ku tyai ma̱ng a̱mba ma̱ a̱laat nyia̱, da̱ ba̱ yok bwuok ba̱ kai da̱ a̱vwuo a̱gwam Hiridut bah. Nang a̱yaagwak lyen á̱ta̱ngwat a̱bya nkat a̱ni, a̱ta̱m tswa A̱gwaza si̱ tyai a̱pyia̱ nggu da̱ a̱vwuo Isuu ma̱ a̱laat nyia̱, “Doot, a kyiak nggwon ka ma̱ng a̱yang nka wu, nyi tyong nat Ma̱sa̱r! Nyi si̱ swan a̱ja si̱ nat jen ji n na ntak ma̱ng a̱nyin nyi bwuok a̱ni. Mat a̱gwam Hiridut na nwuo chat nggwon ka, ka̱ a̱ shya̱ nka, gu hyat.”