Suosittuja jakeita Raamatun kirjasta 創世記 1

上帝講：「𠊎等愛照𠊎等个形像、𠊎等个樣式造人，俾佢等管理海肚个魚、空中个飛鳥、地上个頭牲、各種地上个爬蟲，㧯全地。」 上帝就照自家个形像創造人，佢照上帝个形像創造男人㧯女人。

上帝就賜福佢等，又對佢等講：「愛𫱔多多子女，遍滿世界，來治理大地，也愛管理海肚个魚、空中个飛鳥㧯地上各種動物。」

太初，上帝創造天地。

地還係空空，吂有成形；烏暗遮等深淵；上帝个靈在水面上運行。

上帝講：「愛有光。」就有光。

上帝看佢一切所造个係非常好。有暗晡，有朝晨；這係第六日。

上帝看光係好个，就將光㧯暗分開。

上帝講：「看啊！𠊎將全地个五榖㧯各種果子賜給你等做食物。

上帝將光安到「日時頭」，將暗安到「暗晡頭」。有暗晡，有朝晨；這係頭一日。

上帝講：「這兜水个中間愛有天空，將水上下分開。」

總係，地上个走獸㧯空中个飛鳥，並地上各種動物，𠊎將青个植物賜給它兜做食物。」事就恁樣完成。

上帝講：「天頂愛有光體，分別日夜，來做節期㧯年日个記號，

上帝講：「地愛生出各種各類个植物：有兜出產五榖、有兜結果子，果子底背有核。」事就恁樣完成。

上帝就造天空，將天空以下个水㧯天空以上个水分開。事就恁樣完成。

地就生出各種各類个植物：有兜出產五榖、有兜結果子，果子底背有核。上帝看這係好个。

上帝就造出兩個大光體，大个管日時頭，細个管暗晡頭。佢又造盡多星仔。

上帝講：「天下个水愛集在一個所在，俾燥地出現。」事就恁樣完成。 上帝將燥地安到「地」，將集水个所在安到「海」。上帝看這係好个。

上帝賜福給這兜動物講：「魚類愛在海中繁殖，飛鳥也愛在地上增加。」

上帝講：「大地愛繁殖各種各類有生命个動物：頭牲、爬蟲㧯野獸。」事就恁樣完成。

上帝講：「水中愛繁殖多種動物；天空中愛有多種飛鳥。」

上帝就造出地上各種各類个野獸、頭牲㧯爬蟲。上帝看這係好个。