Suosittuja jakeita Raamatun kirjasta Noo Mian 6

Jaa

Agh shir‐jee hoshiaght reeriaght Yee as e chairys, as bee shiu jeant magh lesh ooilley ny reddyn shoh.

Ny bee‐jee er‐y‐fa shen ayns imnea erbee son y laa mairagh; son tra hig y laa mairagh, hig e chiarail mârish s’lioar da’n laa t’ayn e heaghyn hene.

Er‐yn‐oyr shoh ta mee gra riu, Ny bee‐jee ro‐imneagh son nyn mea, cre ee‐ys, ny cre iu‐ys shiu: ny foast son nyn girp cre ver shiu miu: Nagh vel y vea ny smoo dy ve soit jeh na’n beaghey, as y corp na’n coamrey?

Agh uss, tra t’ou goaill padjer, immee stiagh ayns dty hiamyr; as dooney dty ghorrys, guee gys dty Ayr dy follit, as nee dty Ayr ta fakin ny ta jeant dy follit, leagh y chur dhyt dy foshlit.

Shen‐y‐fa er yn aght shoh gow‐jee padjer: Ayr ain t’ayns niau, Casherick dy row dty ennym. Dy jig dty reeriaght. Dty aigney dy row jeant er y thalloo, myr te ayns niau.

Cur dooin nyn arran jiu as gagh laa.

As leih dooin nyn loghtyn, myr ta shin leih dauesyn ta jannoo loghtyn nyn ’oï.

As ny leeid shin anyns miolagh, agh livrey shin veih olk: Son lhiat’s y reeriaght, as y phooar, as y ghloyr, son dy bragh. Amen.

Son my leihys shuish da deiney nyn loghtyn, leihee nyn Ayr flaunyssagh myrgeddin diuish.

Cur‐jee my‐ner eeanlee yn aer: son cha vel ad cuirr ny buinn, ny chymsaghey stiagh ayns soaltyn; foast ta nyn Ayr flaunyssagh dyn meaghey ad. Nagh vel shuish foddey share na adsyn?

Ny stoyr‐jee seose berchys diu hene er y thalloo, raad ta’n lhemeen as y mergey cur‐mow, as raad ta maarlee brishey stiagh as geid: Agh stoyr‐jee seose berchys diu hene ayns niau, raad nagh vel y lhemeen ny’n mergey cur mow, as raad nagh vel maarlee brishey stiagh as geid. Son raad ta nyn stoyr, shen‐y‐raad vees y cree eu myrgeddin.

Cha vod dooinney erbee daa vainshter y hirveish: son edyr ver eh dwoaie da’n derrey yeh, as graih da’n jeh elley; ny bee eh jeidjagh da’n derrey yeh, ny soiaghey beg jeh’n jeh elley. Cha vod shiu Jee as Mammon y hirveish.

My ta Jee er‐y‐fa shen myr shoh coamrey blaa ny magheragh, ta jiu ayn, as mairagh ceaut ayns yn oghe, nagh jean eh foddey smoo shiuish y choamrey, O gheiney faase‐chredjuagh?

Agh tra t’ou uss jannoo dty ghiastyllys, ny lhig da fys y ve ec dty laue chiare cre ta dty laue yesh dy yannoo: Dy vod dty yeirk ve follit: as nee dty Ayr ta fakin ny ta jeant dy follit, dty leagh y chur dhyt dy foshlit.

Gow‐jee tastey, nagh jean shiu nyn ghiastyllys fenish deiney, dy ve er ny akin lioroo: er‐nonney cha vow shiu leagh veih’n Ayr eu t’ayns niau.

As tra vees shiu trostey, ny bee‐jee groymagh myr ny crauee‐oalsey, son t’adsyn caghlaa cummey nyn eddin, er‐chee deiney dy chur tastey da’n trostey oc. Ta mee shickyrys diu, dy nee shoh [ooilley] nyn leagh. Agh uss, tra t’ou trostey, jean dty chione y ooillaghey, as dty eddin y oonlaghey: Nagh bee oo ry‐akin liorish deiney dy hrostey, agh liorish dty Ayr t’ayns folliaght: as nee dty Ayr ta fakin ayns folliaght, uss y chooilleeney dy foshlit.