Suosittuja jakeita Raamatun kirjasta Romaanos 9

Echetz jit aʼ nik ichʼexvat quBʼaal Tiuxh inqʼa xaol, tiʼ uvaʼ, aʼ u xaol laʼ saʼon, atz jit, tiʼ uvaʼ aʼxh nik aqʼon yaʼl tiʼ ibʼanax u bʼaʼn laʼ saʼaxik taʼn quBʼaal Tiuxh. Pet quBʼaal Tiuxh nik saʼon jaʼl laʼ itxum ivatz.

Tan ech tal quBʼaal Tiuxh te Moisees s-eche: —Laʼ voybʼa ivatz u xaol uvaʼ, in laʼ saʼon toybʼal ivatz. Atz laʼ intxum ivatz u xaol, uvaʼ, in laʼ saʼon itxumux ivatz, —xeʼt quBʼaal Tiuxh.

Pet toq val sete: Yeʼl qokebʼal tiʼ ijotxhʼil te u quBʼaal Tiuxh tiʼ kam uvaʼ nik ibʼaneʼ. Tan ech kuxh qatin vatz quBʼaal Tiuxh, eche vaʼq txʼavaʼ vaaso. Tan bʼane laʼ koq utxhi uvaʼ, ech laʼ tal invaʼq u txʼavaʼ vaaso te u bʼitol tetz s-eche: —¿Kam s-tiʼil qat aaqʼ txha vet bʼen in s-eche? —chaq koq.

Echetz quBʼaal Tiuxh laʼ saʼon jaʼl uvaʼ laʼ itxum ivatz. Atz laʼat itijbʼixsa quBʼaal Tiuxh taanima u xaol, jaʼl uvaʼ laʼ isaʼ s-te.

Tan at tiqʼabʼ u bʼitol oq vaʼten txhan vet kam laʼ taqʼvat vet bʼen u txʼavaʼ vaaso. Tan at txʼavaʼ vaaso aʼ nik txakunk tiʼ bʼaʼnla kam; atz at txʼavaʼ vaaso aʼ nik txakunk tiʼ kam kuxh tiqleʼm uvaʼ yeʼ itxaʼk.