Suosittuja jakeita Raamatun kirjasta ኬሲ ማፃኣፔ 15

Jaa

ሂዚ ዔያቶም ዒ ጌዔኔ፦ «ታ ቤርታ ኮሺ ማዔ ባኣዚ ማዺሢና ታኣኮ ዓይሢፆዋ ካፒሢና ጉቤ ዒናፓ ታኣም ዒንሢ ዓይሢንቴቴ ጊብፄ ዓጮ ዓሶ ዑፃ ታ ዔኪ ዬዔ ዶርዓሢዳፓ ፔቴናታዖ ታ ዒንሢ ሜታሳዓኬ፤ ዒንሢ ዻቂሻ፥ ናንጊና ናንጋ ጎዳሢያ ታናኬ።»

ናንጊና ናንጋ ጎዳ ታኣኮ ዎልቃሢኬ፤ ታ ዒዛ ቦንቺ ዓይናዻኔ፤ ታና ዒዚ ዻቂሻያ ማዔኔ፤ ዒዚ ታኣኮ ፆኦዛሢኬ፤ ዬያሮ ታ ዒዛ ጋላታኔ። ታ ዓዶ ፆኦዛሢኬ፥ ታ ዒዛ ዼጊዲ ቦንቻኔ።

ናንጊና ናንጋ ጎዳሢዮ! ካኣሽኪንታ ፆኦዞይዳፓ ቢያ ኔናጉዴያ ዖናዳይ? ጌኤሹሞና ሄርሺሳይ ቦንቾናኣ ዒጊቻይ፤ ኔ ዎልቄና ማዺንታ ሄርሺሳ ባኮ ማዻንዳይ ኔጉዴያ ዖናዳይ?

ናንጊና ናንጋ ናሹሞና ኔ ዓውሴ ዴሮኮ ቤርታ ኔ ዓርና ማዔኔ፤ ኔኤኮ ዶዱሞና ኔኤም ዱማዼ ሳዔሎ ዔያቶ ኔ ጌልዜኔ፤

ዬካፓ ማኣራ ጌይንታ ቤሲ ዔያታ ሙኪ ሄሌኔ፤ ጋዓንቴ ዒዞ ቤዞይዳ ዓኣ ዋኣፃ ጫንቺ ማዔሢሮ ዑሽካኒ ዔያታ ዳንዳዒባኣሴ፤ ማኣራ ጌይንቴሢያ ዬያሮኬ። ዒማና ዴራ ሙሴ ዑፆይዳ ጉንዱሚ፦ «ዓካሪ ኑኡኒ ዓይጎ ዑሽካንዳይ?» ጌዒ ዒዛ ዖኦጬኔ። ሙሴያ ዼኤፒ ዒላቲና ናንጊና ናንጋ ጎዳ ሺኢቃዛ፥ ናንጊና ናንጋ ጎዳ ዒዛም ፔቴ ሚሢ ዻዌኔ፤ ዬኖ ሚፆ ዔኪ ዋኣፃ ዒዚ ዓጋዛ ዋኣፃ ዓኣፂ ዑሺም ጊኢጋያ ማዔኔ። ናንጊና ናንጋ ጎዳ ዔያታ ዎርቃንዳ ዎጌ ዬኖ ቤዞይዳ ዔያቶም ዒንጌኔ፤ ሃሣ ዔያታ ዒዛም ዓይሢንታቴያ ዓይሢንቱዋቴያ ዒኖ ዔያቶኮ ሙሪ ዛጌኔ፤