Suosittuja jakeita Raamatun kirjasta Apocalipsis 5

Jaa

*La itsje sin ijnko canto ni̱xin ndáchro: Jehó jaha jína tsákja ti libro la ko tsochrijña ti sello chónta; kixin kꞌóñá sin ti jaha la ko ti ijni̱á kꞌue̱naxián ti jeheni kixin tsꞌáyéhe̱ Díos, Jaha kꞌuèna chojni kaín nkexrín tsjehe la ko kaín ngiva la ko chojni kaín chjasin la ko kaín nación.

La itsen ndáchro sin: Ti Kolélo kꞌóñá chojni, mé ti nkexro tsꞌáyéhe̱ kaín ti kjuachaxin la ko ti nkehe tjete siín, la ko ti kjuaxrexinkaon jína la ko ti kjuachaxin tsꞌe̱to̱an mé xi̱kaha tsjajoni kjuasáya la ko tsjikosayéheni ti jehe chꞌan.

*Jaha mé kjui̱chꞌéna rey la ko ncha̱tꞌá ti jeheni kixin sichꞌeheni ixra̱ Itꞌéni Díos, la ko kjuánjua kjuachaxin tsꞌe̱to̱ani ti chjasintajni.

Kja̱xin kui̱ha̱n kixin kaín ti nkehe kjuíchꞌéna Díos siín nka̱jní la ko chjasintajni la ko ti nkehe siín chrínkí nonte la ko kaín nkehe siín chrínkí nda̱ñao, ndáchro: Ti nkexro tjetja̱xi̱n ti trono la ko ti Kolélo mé tsꞌáyéhe̱ kaín ti kjuasàya kixin chónta kaín kjuachaxin tsꞌe̱to̱an nkochríxín, méxra̱ tsjikosáyeheni chꞌan.

*A̱ndá ijnko ti sin táda tjejó ntiha mé ndáchro: ―Tsja̱nkahya, kixin ti Koxra̱ kuènté Judá, ti nkexro tsíkꞌaxrjeníxin David mé kjuacha. Méxra̱ jína tsakitje̱he̱ ti libro la ko ti yato sello chónta ―ichro ti chꞌin táda.