Suosittuja jakeita Raamatun kirjasta Apocalipsis 11

Jaa

*A̱ndá ti ya̱to̱xi̱n ángel kꞌuánoa ti trompeta la kuíhin sin ijnko itan nka̱jní itsen ndáchro: Kaín kjuachaxin kuènté ti chjasintajni mé kja̱xin kꞌóna kuènté Díos la ko Cristo kixin jehe chꞌan tsꞌe̱to̱an chꞌan nkochríxín.

*Kaín nación kónínkaon, kjánchó ó ikui ti ña̱o si̱nchekjasóte sin Ó ikui ti ña̱o si̱nchekito̱exián iji̱é ti sin tsíkꞌen la ko jaha tsjénke̱hé ti sin kjuítꞌaha ixra̱ chrónkaxín ti itan, ti sin ó kjui̱nchetjóá la ko ti sin kjuíkosáyehe ti ihni̱á, á chojni nte̱to o̱ chájan ntsíntsí. La jaha si̱nchekꞌitjáña ti nkexro nchekꞌitjáña ti chjasintajni.

A̱ndá janhan tsochrꞌan yaá ti sin kuénta̱na tsochronkaxín sin ti nkehe chaxín kuénta̱na ti iní nánó kotꞌo̱ la tsochónta sin ika tie.

*Kjánchó ti ó tsꞌatsínka ti iní ña̱o kotꞌo̱, la Díos sinchexechón ti jehe sin ínaá la tsꞌaya sin tsꞌejóxin to̱té sin, la kaín chojni tsꞌikon ti jehe sin la imá tsochrakon.

*Jehe sin la tsochónta sin kjuachaxin tsꞌe̱to̱an sin kixin tsoxrákoahya ichrin ti iní nánó kotꞌo̱ tsonixja sin itén Díos la ko tsochónta sin kjuachaxin kixin ti ìnta̱ la tsꞌóna ijni̱ la ko sinchekjasótexín sin chojni kaín ti ichin siín, itsjé vece éxi tjinkaon sin.

*Ti yaá sin i, mé ti yaá inta olivo la ko ti yaá candelero tjejó ti itjen Díos, ti Ìnché kuenté chjasintajni. A̱ndá ti nkojín sin tjinkaon sichꞌehe nkojín nkehe jínahña ti yaá sin, la xrohi tsꞌaxrjexín irꞌua ti sin a, la tsjaka kaín ti chojni tso̱nínkakohen ti jehe sin hasta itsꞌen sin. A̱ndá ti nkojín sin tjinkaon sichꞌehe nkojín nkehe jínahña ti sin a la kja̱xin sin xi̱kaha tsꞌenxín sin.