Suosittuja jakeita Raamatun kirjasta Mateo 2

Ndá kꞌuíxehen sin ti nchia la kꞌuíkon sin ti ixjan tjeko ti tjan María, ti ìñé xjan. La kꞌuejóxin sin tochꞌin sin la kjuikosáyehe sin ti ixjan, la kuakitje̱he̱ sin ti nkehe kjui̱ka̱o sin la kjuajon sin oro, chi̱nko̱ la ko xro̱a̱n xraxé náxrjón.

Ti kꞌokjíexín Jesús ti chjasin Belén estado Judea ti kꞌue̱to̱an ti rey Herodes, mé ikjui iso chojnindoa, kjui̱xi̱n nó tji̱to̱xin ña̱o, la kjuíji sin Jerusalén. Jehe sin mé chojni mago tónoexín sin konotsé. La kjuanchankí sin: ―¿Nketí itjen ti xjan na̱ntá tsíkokjíhi tsꞌóna rey kuènté ti sin judío? Kixin kꞌuíkoni ti konotsé kuènté chꞌan nó tji̱to̱xin ña̱o la ikjuini tsjikosáyeheni xjan ―ichro sin.

Ndá ti ó kꞌuíkon sin nketí kjuákꞌe ti konotsé la imá kóchéhe̱ sin.

Ndá kotáchrién sin kꞌue̱tua̱nxín Díos kixin tsokjanhña sin ti itjen ti rey Herodes. La ókjé nti̱a kja̱nxi̱n sin, sákjuí sin chjasén sin. Ndá ti ó kjuixin sákjuí ti sin mago, la kotáchrién chꞌin José kꞌuíkonxín kixin ikui ijnko ángel kuènté Ìnchéni la ndáchro: ―Tꞌàyá, la sátjiko̱a ti ixjan la ko ti ìñé xjan, Egipto. La ntahó tꞌejora hasta tso̱xrja̱nkajia, kixin ti rey Herodes la tsjeyá ti ixjan kixin tsꞌóñá ―mé xi̱kaha ichro ti ángel.