Suosittuja jakeita Raamatun kirjasta 1 Pedro 4

Jaa

*La ti nkehe a̱ntsí tjetoan la chaxín chrótjue̱héra kichuara, kixin tíha mé tsꞌitjáñaxín kaín ti ijie̱ chontehera kichuara.

Nkojnkora chrókjuáko̱xinra ti kjuachaxin tjáhara Díos la chrókjuínki̱tsara kichuara éxi ti ixra̱ kꞌuayéhéra.

Ti nkojinra tsonixjara itén Díos la chaxín chrónixjara éxi tjenixín ti Xroon itén Díos. A̱ndá ti nkojinra tsjínki̱tsara kichuara la chaxín chrókjuáko̱xinra ti kjuachaxin tjáhara Díos. Kaín ti ixra̱ chrókjui̱chꞌera, la chróchje̱héra Díos kjuasáya kixin tinkachónkira Jesucristo, ti nkexro tsꞌáyéhe̱ kaín kjuasàya la ko chónta ti kjuachaxin nkochríxín. Mé xi̱kaha tso̱hen.

Ti nkojinra chrókjuasótiara kixin tinkachónkira Cristo la chrókósuàhyara. Ícha jína chróchje̱héra kjuasáya Díos kixin tinkachónkira ihni̱é chꞌan.

Ó kuichjina ti tsjeje̱ chjasintajni, méxra̱ nkojína chrókꞌuejora la ko chrókꞌuejotsjehera, chrónixjehéra Díos.

Kíchóni, chrókóxakuanhñara kjónté ijnko kjuaxikaon ijié chrókjuasótiaxínra kixin ticháxi̱n xi̱kaha tso̱hanra. Ícha jína chrókócháhara kjónté tsjasótiara kixin xi̱kaha kjuasótexín Cristo ti iji̱éni. Ndá xi̱kaha imá tso̱cháhara ti ó tsꞌikonra ti kjuachaxin ijié tsi̱ka̱o Ìnchéni ti ó tsokjan chꞌan.

Chrokjuájonra kjuachaxin chrókuíto̱he ti sin tinkáchónki Díos ti ndo̱ara la ninkehó chrókjóntahyara sin.

A̱ndá ti nkexro tjasóte éxi tjinkaon Díos la chrókuíto̱ehya sin chrókjua̱ko̱xi̱n sin ti nkehe jína la chrókjuajon sin a̱sén sin chrókꞌuayakohen Díos kixin jehe chꞌan kjuíchꞌéna chꞌan ti jehe sin la nkochríxín jína chꞌan.

Méxra̱ éxi Cristo kjuasóte ti cuerpo kuènté chꞌan, la xi̱kaha kja̱xinra, kjónté chrókjuasótiara la chrókóxakuanhñara kixin ti nkexro tjasóte ti cuerpoé la ó kuíto̱he ti ijie̱. Méxra̱ ti na̱xa̱ tjejotsjehéra ntihi la chrókꞌuejora éxi tóxríhi̱n Díos, jehya éxi ti nkehe tóxríhanra.

Chrókócháhara kjónté tꞌándaxíhanra chojni kixin tinkachónkira Cristo kixin ti kjuachaxin kuenté Ncha̱kuén Díos la tꞌayakohanra. Jehe sin la tꞌándaxíhi̱n sin Ìnchéni, a̱ndá jahara a̱ntsí chrókjuíkosáyehéra chꞌan.