Suosittuja jakeita Raamatun kirjasta 1 Juan 4

Jaa

Ti chaxín tjue̱heni Díos la kohya ninkehó kjuachrakon. Ti tjue̱heni Díos la tíha tsakítsje kaín ti kjuachrakon, kixin ti kjuachrakon la tjasótexín chojni. Méxra̱ ti nkojín chojni chrakon la chaxínhña kaín a̱sén tjue̱he Díos.

Xje̱eni, jahara la ó xje̱en Díos, la ó kjuachehéra ti nkexro xrichꞌia, kixin ti Ncha̱kuén Díos chóntani la a̱ntsí chónta kjuachaxin ke ti Jínahña tꞌe̱to̱an ntihi chjasintajni.

Jeheni la tjue̱heni kíchóni la ko Díos kixin sa̱o Díos kjua̱ko̱xi̱n kixin tjue̱he ti jeheni.

Kíchóni, chrótjue̱heni kíchóni, kixin ti tjue̱heni kíchóni la ti̱xi̱n ti itjen Díos. Kaín ti nkexro tjue̱he kícho mé xje̱en Díos, la ko chóxin Díos.

Ti nkexro tjue̱hya kícho, la chóxinhña Díos kixin Díos la tjue̱he chojni.

Ti tjue̱heni Díos la mé xi̱kihi: jehya jeheni kótjue̱heni Díos sa̱o. Náhí. Díos mé sa̱o kotjue̱he ti jeheni, la ichrꞌán chꞌan ti xje̱en chꞌan kꞌuenyákohe̱n ti jeheni kixin tso̱tjuáxin ti ijie̱ chóntani.

Méxra̱, kíchóni, Díos la ó kjua̱ko̱xi̱n kixin imá tjue̱he ti jeheni, la kja̱xin jeheni chrótjue̱heni kíchóni kaín a̱séni.

Díos la ó kjua̱ko̱xi̱n kixin chaxín tjue̱he ti jeheni kixin ichrꞌán chꞌan ti nkoko̱axón Xje̱en chꞌan ntihi chjasintajni kixin tsochóntaxíni ti kjuachón nkochríxín ti tsitekaoni ti xje̱en chꞌan.

Ti nkojín nkexro ndáchro: “Janhan la tjua̱ha̱ Díos”, a̱ndá na̱xa̱ nínkakohen ti kícho, mé tíha la ijnko chojni chꞌia. Kixin ti nkexro tjue̱hya ti kícho kjónté tꞌikon, la nkexrín chrótjue̱hé sin Díos ti nunca kꞌuíkonhña sin.

Kaín ti nkexro tsitekaon kixin Jesús mé Xje̱en Díos la tjeko Díos la ko Díos itjen ti tjejó sin.

La Ìnchéni Jesucristo kꞌue̱to̱an kixin ti nkexro tjue̱he Díos la kja̱xin chrótjue̱hé sin kícho sin.

Kíchóni, chrókuitekákuenhñara kaín ti nkexro ndáchro kixin chaxín chónta ti Ncha̱kuén Díos. Náhí. Ícha jína chrótsjehéra ti nkehe ichꞌe sin ndá chrókónohara á chaxín chónta sin ti Ncha̱kuén Díos o̱ náhí. Kixin ti chjasintajni la siín itsjé chojni xrichꞌia, ndáchro kixin nixja sin itén Díos. Mé xi̱kihi chrókónoaxinra kixin á chaxín chónta sin Ncha̱kuén Díos: kaín ti nkexro tsondáchro kixin Jesucristo mé chaxín ikui kꞌóna éxi ijnko chojni chjasintajni, mé tíha la chaxín chónta Ncha̱kuén Díos.

A̱ndá ti nkexro tsondáchro kixin chaxínhña ikui Jesús, la ti nkexro a la chóntahya ti Ncha̱kuén Díos. La jehe sin mé chónta sin ncha̱kuén jínahña, ti nkexro nínkakohen Cristo. Jahara ó kuihínra kixin itsi ti ncha̱kuén jínahña, a̱ndá ijie ó ixri ntihi chjasintajni.