Suosittuja jakeita Raamatun kirjasta Sâint Makyu 16

Jaa

Là‐d'ssus Jésus dît à ses disciplles: Si quiquiùn veurt venìr souventĕr mé, qu' i r'nonche à sé‐même, qu' i s' cherge de sa querouâix, et qu' i m' siéve.

Et mé étout j' vous dis qu' ous êtes Pierre, et qu' sus chutte pierre‐ichìn j' bâtirai m'n égllise; et les portes d' l' enfer ne prévaûdront pouìnt contre elle.

Et j' vou doûrai les cllaïs du royaûme des ciux; et tout chu qu' ous lieraïz sus la terre, s'ra ossìn llaï dans les ciux; et tout chu qu' ous délieraïz sus la terre, s'ra ossìn déllaï dans les ciux.

Car le cien qui voudra saûvaïr sa vie, la perdera; et l' cien qui perdera sa vie pour l' amour de mé, la r'trouv'ra.

Et qui' est qu' ùn houmme s'rait d' mux d' gâgner tout l' monde, et d' perdre s'n âme? ou par quâille échànge l' houmme pourra‐t‐i racataïr s'n âme quànd i l' aira perdue?

Jésus leû dît: Et vous, qui' est qu' ous dites que j' sis? Simon Pierre pĕrnànt la parole, lli dît: Vous êtes le Christ, le Fis du Gyu vivànt.

Jésus lli répounit: Vous êtes bienhaeûraeux, Simon, fis Jean, parç que ch' n' est pas la chair ni l' sàng qui vous ont r'vêlaï chun'chìn, mais men Pére qui' est dans les ciux.