Suosittuja jakeita Raamatun kirjasta Aba Loma 4

Jaa

Atakilamwa ni layizyo ilya Chala, loli akiyula nkani mulwitiko lwache nukumuchindika u Chala. Naloliloli akasubila ukuti u Chala akwiza pakubomba zizyo akalayizya.

Pakuti Amasimbo ghakuti, “Nakupela awe pakuba munyenya uwa inko inyinji.” U Abulahamu akapokela ilayizyo ili kwa Chala yuyo akamusubila—u Chala yuyo akuzyusya abafwe, sona nukuvipa ivintu ubumi vivyo vite nubumi.

Pachifukwa icha mbibi zyitu akabikiwa ukuti aghoghiwe, po u Chala akamuzyusya kubufwe, umwakuti tuneniwe pakuba bantu bagholosu pamaso papache.

U Abulahamu akasubila nukulindilila, napapo patakabapo ni chifukwa ichakulindililila, po akaba munyenya uwa inko inyinji ukuyana na Masimbo aghakuti, “Abaluko lwako bakwiza pakuba binji nkani ngati zyo ntondwa.”

Polelo ilayizyo ilya Chala likima palwitiko, umwakuti ilayizyo lyache lipeghiwe pakuba chabupi ichabulo icha Chala, icha baluko losi ulwa Abulahamu—te ko ku bene babo bakukonka Indaghilo izya Mozesi, awe, loli sona na bantu babo bakusubila ukuyana namumo u Abulahamu akasubilila. Umwene we munyenya uwa twebosi.

“Basayiwa abantu babo ububibi bwabo bwahobokeliwa babo imbibi zyabo zyazimiwa. Musayiwa umuntu yuyo imbibi zyache, u Mwene atakwiza pakuzibelengela!”

Pakuti Amasimbo ghakuti, “U Abulahamu akamusubila u Chala, sona pachifukwa icha lwitiko lwache u Chala akamunena pakuba mugholosu pamaso papache.”