Suosittuja jakeita Raamatun kirjasta Aba Loma 14

Jaa

Pakuti Ubumwene ubwa Chala bute ni mbombo ni vyakulya ni vyakung'wela, loli ubugholosu nu mutende, sona nu buhobosu, vivyo u Muzimu Umuzelu akupa. Sona nanti umuntu akumubombela u Kilisitu bunubu, akumuhobosya u Chala, sona nukupaliwa na bantu.

Nanti tukwiza pakuba nubumi, tukwiza pakuba nubumi pachifukwa icha Mwene, sona nanti tukwiza pakufwa, tukwiza pakufwa pachifukwa icha Mwene. Napapo tubanje nubumi pamo tufwe, twe bantu ba Mwene.

Polelo zagha tuyezye nkani pakubomba ivintu vivyo vya mutende, umwakuti tukazannye.

Polelo tuleke pakulongana. Loli tuleke pakubomba vivyo vingabapunuzya abantu abanji, pamo pakubika ichizinka muzila iya bantu abanji.

Pakuti Amasimbo ghakuti, “Naloliloli Ane ne Mwene umumi nkulapa nkuti, ivimpevu vyosi vikwiza pakunfughamilila, sona umuntu wesi akwiza pakumfughamilila sona akwiza pakwitika nu mulomo wache ukuti ane ne Chala.” Polelo umuntu wesi mumwitu akwiza pakunena pamwene kwa Chala vyosi vivyo akabomba.

Mumupokele akiza umuntu yuyo ulwitiko lwache ludedebazu, loli mutakadalinkanaye nawe pachifukwa icha nyinong'ono zyache mufundo zimo.

Nkimba wewenu awe ukuti umulongaye uwambombo uwa yumo? We Mwene wache mwene yuyo angadumula nanti abomba akiza pamo apotwa. Po akwiza pakubomba akiza muntazi, pakuti u Mwene weyuyo amenye pakumupela ukuti abombaye akiza.