Suosittuja jakeita Raamatun kirjasta Y-Mathiơ 4

Jaa

Ƀiădah Yêsu lŏ wĭt lač, “Klei Aê Diê Blŭ čih leh snei: ‘Mnuih hdĭp amâo djŏ knŏng hŏng kpŭng ôh, ƀiădah kyua jih klei blŭ kbiă mơ̆ng ƀăng êgei Aê Diê.’ ”

Yêsu lač kơ ñu, “Đuĕ bĕ Satan! Kyuadah Klei Aê Diê Blŭ čih leh snei: ‘Brei ih kkuh mpŭ kơ Khua Yang Aê Diê ih, leh anăn brei ih mă bruă knŏng kơ Ñu yơh.’ ”

Yêsu lač kơ ñu, “Klei Aê Diê Blŭ lŏ čih leh snei: ‘Đăm lông dlăng Khua Yang Aê Diê ih ôh.’ ”

Leh klei anăn Yang Mngăt Jăk atăt ba Yêsu hlăm kdrăn tač brei yang jhat mplư Ñu. Leh kăm ƀơ̆ng huă pă pluh hruê leh anăn pă pluh mlam, Ñu êpa.

Ñu lač kơ digơ̆, “Tui hlue Kâo bĕ, leh anăn Kâo srăng mjing diih mnuih trah mnuih.” Mtam digơ̆ lui hĕ ñuăl leh anăn tui hlue Ñu.

Dơ̆ng mơ̆ng hruê anăn Yêsu dơ̆ng mtô, “Kmhal hĕ bĕ kơ klei soh diih, kyuadah ƀuôn ala mtao adiê giăm truh leh.”