Suosittuja jakeita Raamatun kirjasta II Kôrantô 6

Jaa

Đăm bi mđua knông hŏng phung amâo đăo ôh. Kyuadah ya klei bi mguôp dưi mâo klei kpă hŏng klei wê? Amâodah ya klei bi mguôp klei mngač dưi mâo hŏng klei mmăt?

Ya klei bi mguôp sang kkuh mpŭ Aê Diê dưi mâo hŏng rup yang? Kyuadah drei jing sang kkuh mpŭ kơ Aê Diê hdĭp, tui si Aê Diê lač leh, “Kâo srăng dôk hlăm diñu leh anăn êbat ti krah diñu, leh anăn Kâo srăng jing Aê Diê diñu, leh anăn diñu srăng jing phung ƀuôn sang Kâo.

Kyuanăn kbiă bĕ diih mơ̆ng krah diñu, leh anăn bi ktlah bĕ mơ̆ng diñu, Khua Yang lač, leh anăn đăm ruêh ôh mnơ̆ng čhŏ, snăn Kâo srăng jum diih; leh anăn Kâo srăng jing sa čô ama kơ diih, leh anăn diih srăng jing phung anak êkei leh anăn phung anak mniê Kâo, Khua Yang, Pô Mâo Jih Klei Myang, lač.”

Ya klei bi mguôp Krist dưi mâo hŏng yang Bêlial? Amâodah ya pô đăo dưi mâo mbĭt hŏng pô amâo đăo ôh?