Suosittuja jakeita Raamatun kirjasta I Kôrantô 2

Jaa

Ƀiădah tui si Klei Aê Diê Blŭ čih leh, “Ya klei ală amâo tuôm ƀuh ôh, kăn knga tuôm hmư̆ rei, kăn ai tiê mnuih thâo săng rei, Jing klei Aê Diê mkra leh kơ phung khăp kơ Ñu,”

Mnuih yang đar amâo mă tŭ ôh klei Yang Mngăt Jăk Aê Diê brei, kyuadah klei anăn jing klei khŏ kơ ñu, leh anăn ñu amâo dưi thâo săng klei anăn ôh, kyuadah hŏng klei mĭn myang yơh arăng dưi ksiêm klei anăn.

Ƀiădah Aê Diê bi êdah leh kơ drei klei anăn hŏng Yang Mngăt Jăk. Kyuadah Yang Mngăt Jăk ksiêm jih jang klei, wăt klei êlam Aê Diê.

Drei amâo mă tŭ ôh mngăt mơ̆ng lăn ala, ƀiădah drei mă tŭ leh Mngăt Myang mơ̆ng Aê Diê, čiăng kơ drei dưi thâo săng klei Aê Diê brei leh kơ drei.

Klei kâo blŭ leh anăn klei kâo mtô amâo djŏ hŏng klei blŭ thâo mĭn mnuih ôh, ƀiădah hŏng klei Yang Mngăt Jăk bi êdah leh anăn hŏng klei myang Aê Diê, čiăng kơ klei diih đăo amâo knang kơ klei thâo mĭn mnuih ôh, ƀiădah knang kơ klei myang Aê Diê.