Suosittuja jakeita Raamatun kirjasta Zɛnɛse 1

Nya ƃe Ɣâla è nâa mò ǹyɛɛ, “Kwaa kú núu-kpune kpɛtɛ a kúƃoloŋ maa é kɛ́ nyɛ̃ɛ-ŋai mɛi, ŋɔni-ŋai, daa-tulɛ-ŋai, é kɛ́ ǹɔii kélee mɛi da tɔara-sãa kélee.” Nya ƃe Ɣâla è núu-kpune kpɛ̀tɛ a gbîŋ ƃóloŋ maa, surɔ̂ŋ da nɛnî.

È lûwa làa dîa ǹyɛɛ diai, “Ka ƃûu ƃó, ká ǹɔii láa fɛ́ɛ ká kɛ́ mɛi. Ka kɛ́ nyɛ̃ɛ-ŋai mɛi da ŋɔni-ŋai é pɛ́lɛ fúlu-sãa kélee dîa.”

Gɔ́ɔ pîlanii Ɣâla è ŋ̀elei kpɛ̂tɛ da ǹɔii.

Ǹɔii è kɛ̀ a vólo, sɛŋ da fé kɛ́ ní ma. Zu è kɛ̀ a gbíniɛɛ, Ɣâla ŋɔmɔlêŋ pɛlɛɛ ǹyái mɛi.

Nya ƃe Ɣâla è mò ǹyɛɛ, “Tɔɔ kwaa é pono.” Ǹyaŋ kwaa è pòno.

Ɣâla è zãâi kélee kàa è gbɛ̀tɛi, ǹyaŋ dí kɛ̀ a dílɛlɛɛ. Ŋ̀ele-wûlii da Ŋ̀ele-wâlai dí nâa kɛ̀, a ŋ̀elei ǹɔ́ɔlu mɛi dai.

Ɣâla è gàa a gɛɛ gwaa ponoɔɔi lɛ̂lɛɛi. Nya ƃe è gwaa ponoɔɔi da gbínii ŋáa kɔ̀lɛ.

Ɣâla è mò dîa ǹyɛɛi, “Ka gáa, ŋa kala-káo sîi kélee tɛ́ɛ kápɔ nyii-ŋai da lɛ̂lɛ ǹɔii mai da ƃá-wuru sîi kélee. Da pâi kɛ̂i a kámii-sãa.

Ɣâla è gwaa ponoɔɔi tòli a “Ɣele-ƃɔɔ” é gbínii tóli a “Kpíni.” Ŋ̀ele-wûlii da ŋ̀ele-wâlai dí nâa kɛ̀ a ŋ̀elei maa-ŋuŋ.

Nya ƃe Ɣâla è mò ǹyɛɛ, “Tɔɔ sɛŋ da é tɔ́ɔ ǹyá-ŋai loai é díŋaa kɔ́lɛ.”

Zua-ŋai kélee ǹɔii sui, ŋɔni-ŋai da dɔara-sãai kélee, ŋa kala ŋunu sii kélee tɛ́ɛ dípɔ a mii-sɛŋ.” Ǹya ƃe è kɛ̀ tí.

Ɣâla è mò ǹyɛɛ, “Tɔɔ kwaa ponoɔɔ é kɛ́ ŋ̀elei su a gɛɛ é ŋ̀ele-ƃɔɔi da gbínii ŋáa kɔ́lɛ, ǹyaŋ da pâi kɛ̂i a ŋɛi-kɛ-maa-ŋa ŋ̀ele kûu-ŋai da góraŋ-ŋai é pɛ́lɛ díkuu-kɛ-ɣele-ŋai dítãi-ŋai mɛni ma.

Ɣâla è mò ǹyɛɛi, “Tɔɔ kala é kúla ǹɔii ma, sí-sɛŋ da ƃá-wuru nyii-ŋai da ƃâ, yɛ̂ɛ berei dísîi káa lai, dí tɔ́ɔ ǹɔii ma. Nya ƃe è kɛ̀ tí.”

Ɣâla è sɛŋ da kpɛ̀tɛ é ǹyái ŋáa kɔ́lɛ la, da é kɛ́ mɛi-pere da kɛ́ ƃò mu-pere. Nya ƃe è kɛ̀ tí.

Nya ƃe kala è kùla ǹɔii ma, sí-sɛŋ da ƃá-wuru nyii-ŋai da ƃâ, yɛ̂ɛ berei dísîi káa lai. Ɣâla è gàa a gɛɛ dílɛlɛɛ̂i.

M̀ɛni ma Ɣâla è kwaa ponoɔɔ sîi kpaya-kpaya feerɛ kpɛ̀tɛ. È gɛ́tɛ ɣelei kpɛ̀tɛ a gɛɛ é tíi kɛ́ a ŋ̀ele-ƃɔɔi, é gbélii kpɛ́tɛ a gɛɛ é tíi kɛ́ a gbínii. È Bɛmɛlɛŋ-kao-ŋai kpɛ̀tɛ máŋ.

Ɣâla è ŋɔ́nɔ mò ǹyɛɛ, “Tɔɔ ǹyái gáa ŋ̀elei mu-perei é tuâŋ kwaa tɔ̂nɔ ma, ǹɔii kpâlai é kúla.” Nya ƃe è kɛ̀ tí. Ɣâla è ǹɔii kpâlai tòli a “Lɔii.” Ǹyái ŋáa é tɛ́ gîe ma, é dóli a “Yúo.” Nya ƃe è gàa a gɛɛ dílɛlɛɛ̂i.

Ɣâla è lûwa làa dîa ǹyɛɛ, “Ka ƃûu ƃó ká ǹyái láa fɛ́ɛ, ŋɔni-ŋai dí ƃûu ƃó.”

Nya ƃe Ɣâla è mò ǹyɛɛ, “Tɔɔ fúlu-sãa dí kɛ́ ǹɔii ma yɛ̂ɛ berei dísîi káa lai, taa-tûlɛ, tɔara-sãa, da lɔɔ fɛnɛ-sãa yɛ̂ɛ berei dísîi káa lai.” Ǹya ƃe è kɛ̀ tí.

Ɣâla è ŋɔ́nɔ mò ǹyɛɛ, “Tɔɔ fúlu-sãa dí kɛ́ nyá-ŋai su, ŋɔni-ŋa dí koôŋ ǹɔii mɛi.”

Nya ƃe Ɣâla è lɔɔ fɛnɛ-sãa kpɛ̀tɛ ǹɔii ma yɛ̂ɛ berei dísîi káa lai, da taa-tulɛ-ŋa é pɛ́lɛ tɔara-sãa kélee dîa yɛ̂ɛ berei dísîi káa lai. Nya ƃe Ɣâla è gàa a gɛɛ dílɛlɛɛ̂i.